Sońǵy apta ishinde elordada koronavirýspen aýyrǵandar sany 1,3 ese artty. Bul týraly Nur-Sultan qalasynyń bas sanitar dárigeri Janna Pirálieva aitty, dep habarlaidy "Ult aqparat".
«Jyl basynan, iaǵni 13 naýryz ben 28 qazan aralyǵynda Nur-Sultan qalasynda koronavirýs indetiniń 14 510 jaǵdaiy tirkeldi. Onyń ishinde 8 929 simptommen, 5 581 simptomsyz. Qaladaǵy syrqattanýshylyq kórsetkishi respýblikalyq ortasha deńgeiden 2,1 ese joǵary jáne 10 myń turǵynǵa shaqqanda 1 256,1-di quraidy. Qazaqstan boiynsha - 604,9. 14 510 jaǵdaidyń 161-i syrttan kelgender bolsa, 10 439-y jergilikti turǵyndar arasynda, 3 903-i bailanysta bolǵan adamdardan anyqtaldy. Búgingi kúni bailanysta bolǵan 18 220 adamnyń 17 438-i karantinnen alyndy. Ambýlatorlyq emdeýmen jazylyp shyqqandardyń sany - 13 939 adam, qaitys bolǵandardyń sany - 319 adam. 230 adam statsionarlyq jáne ambýlatorlyq em qabyldap jatyr», - dedi ol.
Onyń dereginshe, jas quramy boiynsha koronavirýs infektsiiasyn juqtyrǵan adamdardyń kóbi 40 jastan asqandar jáne barlyq jaǵdailardyń 42 paiyzyn quraidy. Sonymen qatar 18 jasqa deiingi balalar arasynda KVI juqtyrǵandar 8 paiyzdy, 18-29 jas aralyǵyndaǵylar 22 paiyzdy, 30-39 jas aralyǵyndaǵylar 28 paiyzdy quraidy.
«Eger qalada kornavirýs indeti tirkelgen eń alǵashqy kezde erler arasynda aýyrǵandardyń sany basym ári 60,3 paiyzdy qurasa, 9 aidyń qorytyndysynda aýyryp qalǵan áielderdiń úlesi artyp, 53 paiyzǵa jetti. Koroavirýs infektsiiasymen aýyrǵandardy tirkeý jaǵdaiy áli de jalǵasyp jatyr. Táýligine 15-ten 33-ke deiin aýrýdyń simptomdary bar jaǵdailar tirkeledi», - dedi Janna Pirálievo.
Elordanyń bas sanitar dárigeriniń atap ótýinshe, qalada ersekter arasynda da, mektep jasyndaǵy balalar arasynda da koronavirýs infektsiiasy tirkelýde.
«8 kúnniń, 7-14 qazannyń aralyǵynda reprodýktivtilik sany 1-den asyp tústi. Sońǵy 13 kúnniń ishinde reprodýktivtilik sany tómendedi. Biraq, búginnen bastap reprodýktivtilik san 1-den asyp, 1,8-di qurap otyr. Sonymen qatar sońǵy aptada aýyrǵandardyń aldyńǵy aptamen salystyrǵanda 1,3 ese nemese 28 paiyzǵa kóbeidi», - dedi ol.
