Joǵary sanatty infektsionist dáriger, meditsina ǵylymdarynyń kandidaty Sáýle Atyǵaeva koronavirýspen 3 márte aýyrǵan naýqastardyń bar ekenin aitty, dep habarlaidy QazAqparat.
«Árine qaitalap virýs juqtyrý jaǵdailary kezdesip jatyr. Qazaqstanda koronavirýs paida bolǵannan beri, iaǵni 2020 jyldyń naýryz aiynan beri 1,5 jyl ótti. Osy kezeńde statsionarǵa koronavirýspen úshinshi ret aýyryp adamdar júgingen jaǵdai boldy. Ár kezekti syrqat aldyńǵysynan áldeqaida aýyr júrgen», - degen infektsionist qaitalap syrqattanýlardyń aralyǵy 3 aidan jii bolmaitynyn aitty.
«Virýsty qaitadan juqtyrǵandar Nur-Sultan qalasy boiynsha keminde 3-4 aidan keiin aýyryp otyrǵan. Eger naýqas syrqattanýdyń aralyǵy 1 ai dep kórsetse, koronavirýs sozylmaly sipatpen ótýi múmkin nemese virýs jalǵasyp, asqynǵandyqtan eki ret aýyrǵandai sezilýi múmkin», - dedi Sáýle Atyǵaeva Ortalyq kommýnikatsiialar qyzmetinde ótip jatqan brifingide.
