Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova elordada jalpy 2 600-den astam adamda koronavirýs anyqtalǵanyn aitty, dep habarlaidy QazAqparat.
«Elordada virýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paiyzy jazylyp shyqty. Ókinishke qarai, tolyq kólemde júrgizilgen meditsinalyq kómekke qaramastan, 14 adam qaitys boldy. Jasy shamasy boiynsha 40-50 jas aralyǵynda 2 adam, 50-den 60 jasqa deiingi 4 adam, 60 jastan joǵary 8 adam», - dedi S. Qisyqova Ortalyq kommýnikatsiialar qyzmetinde.
Onyń sózine qaraǵanda, naýqastardyń kópshiliginde qant diabeti, gipertoniia, júrek yrǵaǵynyń buzylýy men júrek aýrýy, qaterli isik, sondai-aq zat almasýynyń buzylýy siiaqty janama aýrýlar anyqtaldy.
«Sonymen qatar, kesh qaralý, ózin-ózi emdeý jaǵdailary olardyń densaýlyǵynyń nasharlaýyna ákelip soqtyrdy. Naýqastar dereý jansaqtaý bólimine jatqyzyldy», - dedi Sáýle Qisyqova.
