Respýblikalyq fizika-matematika mektebine, Nazarbaev ziiatkerlik mektebine qabyldaý úshin ótkiziletin emtihan ýaqyty maýsym aiyna shegerildi. Bul týraly Nur-Sultan qalasy ákimdiginde elde engizilgen tótenshe jaǵdai boiynsha QR Prezidentiniń tapsyrmalaryn júzege asyrý aiasynda ótken.
«Biylǵy oqý jylynda 117 mektep bilim berip jatyr. Onyń 89-y – memlekettik, 22-si jeke menshik mektep. Mektep basshylary men ata-analar virýsty infektsiia paida bolǵan jaǵdaida ne isteý kerektigi týraly jedel jinalys ótkizgen. Búgingi tańda mektep oqýshylary 16 naýryzdan bastap 5 sáýirge deiin kanikýlda», - deidi Nur-Sultan qalasy Bilim basqarmasynyń basshysy Sholpan Qadyrova.
Ol ótýi josparlanǵan olimpiada, baiqaý, sporttyq sharalar keiinge shegerilgenin aitty.
«UBT ýaqyty da keiinge shegeriledi. Ótetin kúni men ýaqytyn qosymsha habarlaimyz. Respýblikalyq fizika-matematika mektebine, Nazarbaev ziiatkerlik mektebine qabyldaý úshin ótkiziletin emtihan ýaqyty maýsym aiyna shegerildi. Kanikýl kezinde mekteptegi ákimshilik, tehnikalyq jumysshylar keste boiynsha jumys isteidi, al qalǵan pedagogtar qashyqtyqtan jumys isteýlerine bolady. Qaladaǵy mektepter internetke tolyq qosylǵan, qazirgi ýaqytta biz «Kúndelik» júiesi boiynsha jumys isteimiz», - deidi ol.
