Nur-Sultan qalasynyń bas memlekettik sanitar dárigeriniń orynbasary Janna Pralieva elordadaǵy koronavirýsqa qatysty jaǵdaidy aitty, dep habarlaidy QazAqparat.
«Qalada COVID-19 indetin juqtyrý boiynsha jaǵdailardy tirkeý qarqyny tómendep keledi. 10 kún boiy kúnine juqtyrǵandar sany 650-den aspaidy, al sońǵy aptada ortasha táýliktik tirkeý 470-ti qurady. Nátijesinde, tamyz aiynda aýrý deńgeii shildemen salystyrǵanda 21 paiyzǵa tómendedi. Aptasyna syrqattanýshylyqtyń tómendeý qarqyny 25-ten 31 paiyzǵa deiin saqtalady. Al sońǵy aptada syrqattanýshylyq kórsetkishi 100 myń turǵynǵa shaqqanda ótken aptamen salystyrǵanda 31 paiyzǵa tómen boldy», - dedi Pralieva onlain brifingide.
Onyń aitýynsha, bir apta ishinde COVID-19 indetin juqtyrǵandar 3355 adamdy qurap (ótken aptada – 4920 adam), 100 myń turǵynǵa shaqqandaǵy qarqyndy kórsetkish 258,2-ni kórsetti.
«Aýrý deńgeiiniń tómendeý úrdisine qaramastan, qala epidemiologiialyq jaǵdaidy baǵalaý kórsetkishteri boiynsha «qyzyl aimaqta» tur. Syrqattanýshylyqtyń jalpy qurylymynda klinikalyq belgileri bar naýqastardyń joǵary úles salmaǵy (78-79 %) saqtalyp otyr», - dedi Janna Pralieva.
