Nur-Sultanda koronavirýs juqtyrǵandarmen bailanysta bolǵan turǵyndardyń bári tabyldy. Bul týraly Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Memleket basshysy Qasym-Jomart Toqaevtyń Jarlyǵyna sáikes, tótenshe jaǵdai engizilgeni belgili. Koronavirýs indetiniń óte jyldam taralýyna bailanysty álemniń birnshe elinde tótenshe jaǵdai jariialanǵanyn bilesizder. Mundai qysyltaiań kezeńde Nur-Sultan qalasynda nysandar qalai jumys isteitindigi týraly aityp berýge ruqsat etińizder. Búgingi tańda qalada koronavirýspen aýyrǵandar sany 17 adamǵa jetti. Sol sebepten biz qaýipsizdik sharalardy kúsheittik. Bul azamattarmen qarym-qatynasta bolǵandardyń barlyǵy tabyldy. Olar arnaiy oryndarǵa jatqyzyldy. Sonymen qatar zerthanalyq zertteýler júrgizilýde», - dedi qala basshysy.
Elorda ákiminiń atap ótýinshe, 28 qańtar men 16 naýryz aralyǵynda statsionarda 752 adam jatty. Qazir ol jerlerde 318 patsient karantinde jatyr.
«Diagonstika jasap, emdeý úshin 1 051 orynǵa arnalǵan arnaiy meditsinalyq oryn belgilendi. Qajet bolǵan jaǵdaida qosymsha osynsha oryn daiyndaimyz. Meditsinalyq qyzmetkerler koronavirýs infektsiiasyn juqtyrdy degen kúdigi bar patsienttermen jumys isteýdiń naqty is-áreket tártibin jaqsy biledi. Olarǵa qazirgi tańda olarǵa úlken salmaq túsýde. Sondyqtan, qala turǵyndary men qonaqtaryn meditsinalyq qyzmetkerlerdi qoldaýǵa shaqyramyn. Meditsinalyq uiymdar dári-dármekpen, basqa da qajetti zattarmen tolyqtai qamtamasyz etilgen», - dedi Altai Kólginov.
