Elorda ákiminiń orynbasary Baqtiiar Máken «Elordada koronavirýs juqtyrǵan adam turǵan turǵyn úi oqshaýlana ma?» degen suraqqa jaýap berdi, dep habarlaidy "Ult aqparat".
«Karantin júrgizý úshin turǵyn úidi oqshaýlaý - durys emes, sebebi qandai da bir diagnozy anyqtalǵan naýqas jedel túrde aýrýhanaǵa jatqyzylady», - dedi Bahtiiar Máken Ortalyq kommýnikatsiialar qyzmetinde ótken brifingte.
Onyń aitýynsha, adam ózin nashar sezinip, jedel járdem shaqyrsa, birden aýrýhanaǵa jatqyzylady.
«Eger ol týystarymen nemese turǵyn úidegi adamdarmen qarym-qatynasta bolsa, olar karantinge jatqyzylady», - deidi ol.
Aita keteiik, keshe koronavirýs juqtyrǵan adam turǵan Almatydaǵy «Suńqar» turǵyn úii oqshaýlanǵan bolatyn.
