Elordada COVID-19 juqtyrǵan júkti áielder 11 saý balany dúniege ákeldi, dep habarlaidy "Ult aqparat" Nur-Sultan qalasy ákimdiginiń resmi saityna silteme jasap.
Búgin qalalyq densaýlyq saqtaý basqarmasynyń bastyǵy Sáýle Qisyqova Qazaqstan astanasyndaǵy koronavirýs infektsiiasyna qatysty qazirgi jaǵdai týraly aitty.
«Nur-Sultanda koronavirýs indeti bastalǵannan beri 2520 adam virýs juqtyryp, 1621 adam nemese 64%-y emdelip, emhanaan shyǵaryldy. Jaqsy jańalyqtyń biri – COVID-19 juqtyrǵan analar 11 saý náresteni dúniege ákeldi», – dedi S.Qisyqova.
Ol 3 maýsymnan bastap Qazaqstannyń bas sanitarlyq dárigeriniń sheshimine sáikes simptomatikalyq jáne asimptomatikalyq naýqastarǵa bólý kezinde meditsinalyq baqylaý júrgizý taktikasy ózgergenin eske saldy.
«Asqynýlardyń aldyn alý jáne ýaqtyly meditsinalyq kómekti uiymdastyrý úshin simptomdary bar naýqastarǵa kóbirek kóńil bólý kerek. Aýrýdyń asimptomatikalyq aǵymy bar adamdar nazardan tys qalmaidy. Olardy úi karantini jaǵdaiynda aýmaqtyq emhanalar baqylap otyrady, qannyń ottegimen qanyǵý deńgeiin ólsheý úshin impýlstik oksimetrlermen qamtamasyz etiledi, kúndelikti qońyraýlar jasalady», – dedi S.Qisyqova.
Qazirgi ýaqytta Nur-Sultanda koronavirýs juqtyrǵany zerthanamen rastalǵan adamdar sanynyń ósýi baiqalady.
«Bul búginde qalada PTR diagnostikasyn júrgizetin jeti zerthana jumys jasap jatqanyna bailanysty. Kúnine 4-ten 5 myńǵa deiin test ótkiziledi. Tiisinshe, anyqtaý múmkindigi artyp keledi. KVI bar adamdar arasynda aýrýdyń 60-70% -y asimptomatikalyq bolyp tabylatyndyǵyn atap ótkim keledi», – dedi Sáýle Qisyqova.
Densaýlyq saqtaý basqarmasynyń bastyǵy qala ákimdigi kún saiyn jumysy qaita jańǵyrtylǵan nysandarǵa kúndelikti monitoring júrgizetinin jáne kásipkerlik sýbektilerimen, olardyń basshylarymen túsindirý júrgizilip jatqanyn eske saldy.
Talapty buzǵan mundai kásiporyndardyń qyzmeti toqtatylady. Sonymen qatar S.Qisyqovam elorda turǵyndaryn karantin sharalaryn qatań saqtaýǵa shaqyrdy.
