Nur-Sultan qalasynda júkti áielder men balalar arasynda COVID-19-ǵa shaldyǵý jii baiqalýda. Bul týraly qalalyq qoǵamdyq densaýlyq saqtaý basqarmasy basshysynyń orynbasary Áliia Rústemova ákimdikte onlain ótken baspasóz máslihatynda málimdedi, dep habarlaidy QazAqparat.
«Búginde infektsiialyq statsionarda 748 patsient em alyp jatyr. Ondaǵy tósek-orynnyń 60 paiyzy bos emes. Qańtardyń basynda kúnine infektsiialyq statsionarǵa kúnine 18 adam tússe, sońǵy táýlikte onyń sany 215-ke jetti. Al reanimatsiiada 34 adam jatyr. Elordadaǵy epidjaǵdaidyń nasharlai túsýine bailanysty 4 qalalyq aýrýhanada qosymsha tósek-oryn ázirlendi. Onyń ishinde akýsherlik bólimshelerde koronavirýsqa shaldyqqan júkti áielder úshin 150 tósek-oryn daiyndaldy», - dedi Á. Rústemova.
Onyń aitýynsha, qazir qalada jańadan 1240 tósek-oryn qaita shyǵaryldy.
«Jaǵdai ásirese júkti áielder men balalar arasynda ýshyǵyp tur. Qazirgi ýaqytta 338 júkti áiel KVI-ge shaldyǵyp otyr. Olardyń 215-i statsionarda emdelip jatyr. Sondai-aq, statsionar jaǵdaiynda 126 bala atalǵan indet túrinen em alyp jatyr. Ókinishke qarai, kóp turǵyndar indet shtamynyń jańa túrine asa mán berip jatqan joq. Sáikesinshe saqtyq sharalarynyń oryndalmaýy indettiń órshýine alyp kelip otyr», - deidi ol.
