Elorda ákimi Altai Kólginovtyń tapsyrmasyna sáikes kóppáterli turǵyn úilerdiń kireberisteri men jalpyǵa ortaq paidalaný oryndary dezinfektsiialanyp jatyr, dep habarlaidy QazAqparat ákimdikke silteme jasap.
Koronavirýs infektsiiasynyń taralýyna jol bermeý maqsatynda kún saiyn turǵyn úidiń kireberis, esik, lifti, súienish, tereze jaqtaýy jáne t. b. dezinfektsiialanady.
Qala ákimi Altai Kólginov turǵyndardyń retsiz úiden shyqpaý kerek ekendigin, sondai-aq turǵyndar barlyq qaýipsizdik sharalaryn ustanýy tiis ekendigin aitty.
Qalanyń áleýmettik nysandarynda, áýejaida, vokzaldarda, bazarlarda, saýda úilerinde, saýda oiyn-saýyq jáne adamdar kóp jinalatyn jerlerde sanitarlyq-dezinfektsiialyq rejim kúsheitildi.
Sonymen qatar avtobýstar men kommýnaldyq qyzmetterdiń mashinalary da dezinfektsiiadan ótedi.
Elordada koronavirýstyq infektsiianyń taralýyna jol bermeý boiynsha sharalar qabyldandy: jedel shtab jumys istep jatyr. Koronavirýs infektsiiasy jaǵdaiy anyqtalǵan kezdegi is-qimyl algoritmi ázirlendi.
