Elordada kópbalaly otbasylar úshin satyp alý quqyǵynsyz jalǵa beriletin turǵyn úige qujat qabyldaý bastaldy, dep habarlaidy Turǵyn úi ortalyǵy.
Bul baǵdarlamaǵa «Kópbalaly otbasy» sanaty boiynsha turǵyn úige kezekte turǵan kópbalaly otbasylar (tek osy sanat) qatysa alady. 161 páterdiń barlyǵy eki bólmeli (51-77 sh.m.)
Turǵyn úiler R. Qoshqarbaev dańǵyly; E430 kóshesi; J.Omarov kóshesi; J. Nájimedenov kóshesi; A-91 kóshesi; R.Qoshqarbaev dańǵyly; Maqtymquli kóshesinde ornalasqan.
Ótinish qabyldaý 15 jeltoqsanda bastalyp, 23 jeltoqsanǵa deiin jalǵasady.
Qujattardy qabyldaý tek elektrondy túrde kórsetilgen kezeńde («Onlain servister» - «Satyp alý quqyǵynsyz jalǵa beriletin turǵyn úige ótinim berý» bólimi) zhilfond.kz saity arqyly júrgiziledi.
Úmitker Nur-Sultan qalasynda «Kópbalaly otbasy» sanaty boiynsha turǵyn úige kezekte turýy qajet.
Irikteý «Kópbalaly otbasy» sanaty boiynsha kezekte turyp, qujat tapsyrǵandar arasynda ótedi.
Ótinish berý úshin ETsQ kilti; balalardyń týý týraly kýáligi/jeke kýáliginiń skanerlengen nusqasy (bolǵan jaǵdaida); múgedektik týraly anyqtamanyń skanerlengen nusqasy (bolǵan jaǵdaida). barlyq otbasy múshesiniń Qazaqstanda jyljymaityn múliginiń joqtyǵy jaily anyqtama; nekeni qiiý/buzý/ólim/ f-4 anyqtamasy qajet.
Ótinishterdi qarastyrý nátijesi zhilfond.kz saitynda jáne turǵyn úi ortalyǵynyń áleýmettik jelidegi paraqshalarynda jariialanady.
Atalǵan turǵyn úidi bergen kezde uzartý quqyǵymen 5 jyl merzimge jaldaý sharty jasalady.
