Nur-Sultan qalasynda qolaisyz aýa raiynan áýe reisteri keshigip jatyr. Bul týraly áýejaidyń baspasóz hatshysy Ánýar Shálekenov málim etti, dep habarlaidy QazAqparat.
«Elordada aýa raiynyń qolaisyzdyǵyna bailanysty Nursultan Nazarbaev áýejaiynan 10 ushyp shyǵatyn jáne 7 ushyp keletin áýe reisi keshiktirildi. Jolaýshylardan áýe reisi týraly aqparatty koll-ortalyqqa habarlasyp nemese áýejaidyń anyqtama bóliminen bilýin suraimyz», - dedi Ánýar Shálekenov.
Eske sala keteiik, «Qazgidromet» mamandary 15 aqpan, seisenbige arnalǵan aýa raiy boljamyna sáikes, atmosferalyq aǵyndarǵa bailanysty Qazaqstannyń basym bóliginde kún qubylmaly bolady. Elimizdiń soltústigi men shyǵysynda qalyń qar jaýady.
