Halyqaralyq túrki akademiiasy elordada jańa ǵimaratqa kóshti, dep habarlaidy QazAqparat.
Jańa ǵimarattyń ashylý saltanatyna Memlekettik hatshy Qyrymbek Kósherbaev bastaǵan birqatar ziialy qaýym ókilderi qatysty.
«Elbasy Nursultan Nazarbaevtyń bastamasymen ashylǵan Túrki akademiiasy búginde túrkitildes baýyrlardy rýhani bailanystyratyn bedeldi halyqaralyq uiymǵa ainalyp otyr. Memleket basshysy Qasym-Jomart Toqaevtyń qoldaýymen búgin mine akademiianyń jańa qonysqa kóshý sátine kýá bolyp otyrmyz. Jańa ǵimarat barshaǵa qutty bolsyn! Halyqaralyq Túrki akademiiasy týysqan halyqtardyń tili, ádebieti, mádenietiniń zaman talabyna sai jańǵyrýyna úlken úles qosyp keledi. Osy sátte túrik baýyrlarymyzdy búgingi ulttyq merekesimen quttyqtaimyz», - dedi Qyrymbek Kósherbaev aitýly sharada.
Sondai-aq, akademiianyń jańa ǵimaratynda mýzei men kitaphana bar. Onda túrki álemine qatysty jádigerler men ádebi týyndylar qoiylǵan.
«2009 jyly Elbasynyń bastamasymen Halyqaralyq túrki akademiiasy qurylyp, 2010 jyly akademiiaǵa elordadaǵy Beibitshilik jáne kelisim saraiynyń ishinen bólek keńse berildi. Búgin mine Memleket basshysynyń tapsyrmasyna sai akademiiaǵa bólek ǵimarat berilip otyr. Jańa ǵimaratymyz eki bólikten turady, bir bóligi mýzei jáne kitaphana. Ekinshi jaǵynda qyzmetkerlerge arnalǵan jumys kabinetteri. Mýzeidiń ózi 3 bólikten turady, alǵashqy bólim túrki halqynyń etnografiiasyna arnalǵan, ekinshi bólim jalpy túrkologiiaǵa arnalǵan jáne akademiiaǵa syiǵa tartylǵan syi-syiapattar bólimi bar», - dedi halyqaralyq Túrki akademiiasynyń prezidenti Darhan Qydyráli.
Odan bólek, akademiia basshysy jańa ǵimaratta aldaǵy ýaqytta túrli is-sharalardyń uiymdastyrylatynyn tilge tiek etti.
