حالىقارالىق تٷركٸ اكادەميياسى ەلوردادا جاڭا عيماراتقا كٶشتٸ, دەپ حابارلايدى قازاقپارات.
جاڭا عيماراتتىڭ اشىلۋ سالتاناتىنا مەملەكەتتٸك حاتشى قىرىمبەك كٶشەرباەۆ باستاعان بٸرقاتار زييالى قاۋىم ٶكٸلدەرٸ قاتىستى.
«ەلباسى نۇرسۇلتان نازارباەۆتىڭ باستاماسىمەن اشىلعان تٷركٸ اكادەميياسى بٷگٸندە تٷركٸتٸلدەس باۋىرلاردى رۋحاني بايلانىستىراتىن بەدەلدٸ حالىقارالىق ۇيىمعا اينالىپ وتىر. مەملەكەت باسشىسى قاسىم-جومارت توقاەۆتىڭ قولداۋىمەن بٷگٸن مٸنە اكادەمييانىڭ جاڭا قونىسقا كٶشۋ سەتٸنە كۋە بولىپ وتىرمىز. جاڭا عيمارات بارشاعا قۇتتى بولسىن! حالىقارالىق تٷركٸ اكادەميياسى تۋىسقان حالىقتاردىڭ تٸلٸ, ەدەبيەتٸ, مەدەنيەتٸنٸڭ زامان تالابىنا ساي جاڭعىرۋىنا ٷلكەن ٷلەس قوسىپ كەلەدٸ. وسى سەتتە تٷرٸك باۋىرلارىمىزدى بٷگٸنگٸ ۇلتتىق مەرەكەسٸمەن قۇتتىقتايمىز», - دەدٸ قىرىمبەك كٶشەرباەۆ ايتۋلى شارادا.
سونداي-اق, اكادەمييانىڭ جاڭا عيماراتىندا مۋزەي مەن كٸتاپحانا بار. وندا تٷركٸ ەلەمٸنە قاتىستى جەدٸگەرلەر مەن ەدەبي تۋىندىلار قويىلعان.
«2009 جىلى ەلباسىنىڭ باستاماسىمەن حالىقارالىق تٷركٸ اكادەميياسى قۇرىلىپ, 2010 جىلى اكادەميياعا ەلورداداعى بەيبٸتشٸلٸك جەنە كەلٸسٸم سارايىنىڭ ٸشٸنەن بٶلەك كەڭسە بەرٸلدٸ. بٷگٸن مٸنە مەملەكەت باسشىسىنىڭ تاپسىرماسىنا ساي اكادەميياعا بٶلەك عيمارات بەرٸلٸپ وتىر. جاڭا عيماراتىمىز ەكٸ بٶلٸكتەن تۇرادى, بٸر بٶلٸگٸ مۋزەي جەنە كٸتاپحانا. ەكٸنشٸ جاعىندا قىزمەتكەرلەرگە ارنالعان جۇمىس كابينەتتەرٸ. مۋزەيدٸڭ ٶزٸ 3 بٶلٸكتەن تۇرادى, العاشقى بٶلٸم تٷركٸ حالقىنىڭ ەتنوگرافيياسىنا ارنالعان, ەكٸنشٸ بٶلٸم جالپى تٷركولوگيياعا ارنالعان جەنە اكادەميياعا سىيعا تارتىلعان سىي-سىياپاتتار بٶلٸمٸ بار», - دەدٸ حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ.
ودان بٶلەك, اكادەمييا باسشىسى جاڭا عيماراتتا الداعى ۋاقىتتا تٷرلٸ ٸس-شارالاردىڭ ۇيىمداستىرىلاتىنىن تٸلگە تيەك ەتتٸ.
