Elordada keibir reis keiinge qaldyrylyp, jolaýshylar ýaqytynda ushyp kete almai jatyr, dep habarlaidy "Ult aqparat".
Máselen, Nur-Sultannan Ystanbulǵa ushaq búgin tańǵy 04.00-de ushyp ketýi tiis bolǵan. Alaida reis keshki 19.00-ge shegerilip, jolaýshylar ushaqqa endi jaiǵasty. Áleýmettik jelilerde qalyń tumannyń saldarynan keibir reister múlde toqtap, keibiri keshiktirilip jatqany jazylýda. Máseleniń mán-jaiyn Nursultan Nazarbaev halyqaralyq áýejaiynan bilip kórdik.
«Dál qazirgi ýaqytta Úrimji, Ystanbul qalalaryna ushatyn ushaqtar belgilengen ýaqyttan keshigip ushqaly jatyr. Áitpese, áýejai shtattyq rejimde jumys istep tur. Bizde ushyp keletin reisterge bailanysty keshiktirý jaǵdailary boldy. Sebebi, basqa jaqtardan keibir ushaqtar áýejaiǵa jai ushyp keldi. Ushý-qoný jolaqtarynyń bári ashyq. Kúni keshe Almatyda tuman boldy dep, onda reisterdiń keshiktirilgeni habarlanǵan edi. Tiisinshe, ol jaǵdai bizge de áser etedi. Bizge kelgen ushaqtar keste boiynsha ushyp jatyr», - dep habarlady Nursultan Nazarbaev halyqaralyq áýejaiynyń baspasóz qyzmetinen.
