Elordada qazaqtildi onlain kontent jasaýshylardyń «QAZFORUM 2020» sharasy bastaldy, dep habarlaidy QazAqparat. Forýmǵa Qazaqstannyń túkpir-túkpirinen 200-den astam mediamaman jinaldy.
Forýmnyń taqyryby - «Jańa onjyldyqtaǵy BAQ: ózgertý ýaqyty jáne ózgerý ýaqyty». Onda qazaqtildi BAQ damýynyń jańa tendentsiialary talqylalanady dep kútilýde. Sondai-aq, atalǵan sharada sarapshylar men jýrnalister, blogerler men beine-kontentti jasaýshylar qazaq tilindegi kontenttiń ózekti máselelerin ortaǵa salady. QAZFORUM-nyń bastamashysy jáne ideologiialyq shabyt berýshi - Qazaqstan Respýblikasyndaǵy AQSh elshiligi, uiymdastyrýshy - Qazaqstan baspasóz klýby. Osy jyly bul sharany «Air Astana» AQ, «KaspiBank» AQ, «BI Holding» AQ qoldaǵan.
«Qazaqta «Alǵa tartqan ozady, keiin ketken tozady» degen maqal bar. QAZFORUM osy kóriniske sai - mańyzdy tendentsiialardy eskerýdi, jańa kásiptik bilimniń kókjiekterin zertteýdi, aldaǵy synaqtar men múmkindikterge daiyn bolýdy basshylyqqa alatynyna senimdimin», - dedi AQSh-tyń Qazaqstandaǵy tótenshe jáne ókiletti elshisi Ýiliam H. Mozer forýmnyń ashylýynda.
