Elordadaǵy Beibitshilik jáne kelisim saraiynda Qazaqstan halqy Assambleiasynyń 25 jyldyǵyna arnalǵan kórme ashyldy. «Elbasy. Birlik. Kelisim» kórmesine úshtuǵyrlyqtyń ortaq ideologiialyq platformasymen biriktirilgen muraǵattyq materialdar qoiyldy. Sonymen qatar fotosýretter men kitaptar qoiylǵan. Arnaiy kádesyi da usynyldy, dep habarlaidy «Ult aqparat».
Aita keteiik, bul kórme Qazaqstan halqy Assambleiasynyń 25 jyldyǵyna arnap Táýelsizdik kúni qarsańynda ótti.
Bul sharaǵa Qazaqstan halqy Assambleiasynyń tóraǵasynyń orynbasary Jaqsylyq Túimebaev qatysty. Sondai-aq, parlament májilisi tóraǵasynyń orynbasary Vladimir Bojko da bardy.
Kórmeniń maqsaty retinde Elbasynyń Táýelsiz Qazaqstannyń qalyptasýy men damýyna qosqan úlesin jáne ondaǵy erekshe rólin kórsetý dep ataýǵa bolady.
«Táýelsizdiktiń alǵashqy kúnderinen bastap Ult kóshbasshysy Qazaqstandy damytýdyń negizine etnostyq shyǵý tegine qaramastan teń quqyqtyq pen kelisimge negizdelgen búkil halyqtyń birligin jatqyzdy. Osy jyldar boiy elimiz bul qaǵidany berik ustanyp keledi. Elbasynyń beibitshilik pen kelisim saiasatynyń is júzinde júzege asyrylýy 1995 jyly ózi qurǵan Qazaqstan halqy Assambleiasynan kórinis tapty», - dedi ol.
Qazaqstan halqy Assambleiasynyń tóraǵasynyń orynbasary Jaqsylyq Túimebaev kórmeniń el tarihyn bilýge, túsinýge bastamashy bolatynyn aityp ótti.
Sonymen qatar Táýelsizdik kúni qarsańynda Nur-Sultan qalasyndaǵy Dostyq úiinde Qazaqstan halqy Assambleiasynyń uiymdastyrýymen «Meniń týǵan ólkem» I respýblikalyq baiqaýyn qorytyndylandy. Shara karantinge bailanysty onlain formatta ótti. Shara barysynda baiqaý jeńimpazdary marapattaldy.
Baiqaý memlekettik Rýhani jańǵyrý baǵdarlamasy aiasynda ótip otyr. ol jastardy rýhani jaǵynan patriottyq sezimge baýlý maqsatynda uiymdastyrylyp otyr.
Baiqaýǵa materialdar «Meniń aýylymnyń tarihy», «Aǵa býyn ókilderi» jáne «Meniń armanymdaǵy aýyl – bolashaq aýyly» taqyryby boiynsha respýblikanyń barlyq aimaǵynan júzge jýyq ótinish túsken. Sonyń ishinen oza shaýyp, jeńiske jetkenderge baǵaly syilyqtar poshta arqyly jiberiletin boldy.
Sonymen qatar elordada "Myń bala" respýblikalyq jobasynyń jeńimpazdary anyqtaldy. Baiqaýdy Qazaqstan halqy Assambleiasy uiymdastyrdy. Shara onlain formatta ótti.
Qatysýshylar tórt nominatsiia boiynsha jarysty. Júldeler retinde jeńimpazdar gramotalar men planshetterge ie boldy.
Jobaǵa qazaq tilin jetik meńgergen myńnan astam ult ókilderi qatysty. Is-shara 2015 jyldan bastap elimizdiń barlyq óńirlerinde Qazaqstan halqy Assambtleiasynyń qoldaýymen ótkizilip keledi.
Al onyń aldynda Qazaqstan halqy Assambleiasy ózekti máselelerdi talqylaityn biregei alań jáne kóptegen paidaly ideialar men usynystardyń bastamashysy bola otyryp, Qazaqstan Respýblikasynyń Táýelsizdik kúnine arnalǵan Batys Qazaqstan oblysynyń barlyq turǵyndaryna "Meniń týym-meniń Otanym!" chellendjin bastady.
Aktsiia aiasynda turǵyn úilerdiń balkondaryna patriotizmniń, táýelsiz, tolerantty jáne gúldengen memleketimizdi qasterleýdiń simvoly retinde elimizdiń memlekettik týy ilindi.
Esterińizge sala keteiik, Elordadaǵy Beibitshilik jáne kelisim saraiynda Qazaqstan halqy Assambleiasynyń 25 jyldyǵyna arnalǵan kórme ashyldy. «Elbasy. Birlik. Kelisim» kórmesine úshtuǵyrlyqtyń ortaq ideologiialyq platformasymen biriktirilgen muraǵattyq materialdar qoiyldy. Sonymen qatar fotosýretter men kitaptar qoiylǵan. Arnaiy kádesyi da usynyldy.
