Búgin Elbasy kitaphanasynda qazaq memleketiniń tarihy týraly jańa kitaptar tanystyryldy, dep habarlaidy QazAqparat.
Elbasy kitaphanasynda «Uly dala jáne Qazaq memlekettiligi: jańasha oi men tyń kózqaras» halyqaralyq ǵylymi-praktikalyq onlain-konferentsiiasynda belgili tarihshy, professor Búrkitbai Aiaǵannyń «Ulyq Ulys – Altyn Orda memleketi tarihy» atty qos tildi dárister jinaǵynyń tusaýy kesildi.
Bul kitaptar jańa faktilerge negizdelgen jáne qazaq memlekettiligi tarihyndaǵy mańyzdy kezeńder týraly egjei-tegjeili baiandaidy.
«Elbasymyzdyń kitaphanasynda júzege asyryp jatqan tusaýkeser bizdiń qoǵamdy, onyń ishinde sheteldikterdi bizdiń zamandastarymyzdyń, ǵalymdarymyzdyń, jazýshylarymyzdyń, sýretshilerimizdiń, mýzykanttarymyzdyń táýelsizdigimizdiń rýhani jáne mádeni murasyn damytýǵa zor úles qosqan jetistikterimen tanystyrýdy kózdeitin «Táýelsizdiktiń mádeni kodv» atty iri joba aiasynda ótip jatqanyn atap ótkim keledi», - deidi Elbasy kitaphanasynyń direktory, saiasi ǵylymdardyń kandidaty Baqytjan Temirbolat.
Sondai-aq, is-sharaǵa Viskonsin ýniversitetiniń qurmetti professory Iýlai Shamiloglý (AQSh), Á.H.Marǵulan atyndaǵy Arheologiia institýtynyń professory, tarih ǵylymdarynyń doktory Zeinolla Samashuly, Túrki álemi institýtynyń direktory, Saiasattaný fakýlteti Halyqaralyq qatynastar bóliminiń qaýymdastyrylǵan professory (dotsent) Meriem Hakim (Túrkiia), QR BǴM ǴK Memleket tarihy institýtynyń bólim basshysy, tarih ǵylymdarynyń doktory, professor Ǵani Qarasaev, Resei IIM Ýfa zań institýty Memleket jáne quqyq tarihy men teoriiasy kafedrasynyń professory, Bashqurtstan memlekettik ýniversitetiniń Resei tarihy, derektaný jáne tarihnama kafedrasynyń professory, tarih ǵylymdarynyń doktory Roza Býkanova (RF, Ýfa), L.N. Gýmilev atyndaǵy Eýraziia ulttyq ýniversitetiniń professory, tarih ǵylymdarynyń doktory Maqsat Alpysbes, QR BǴM ǴK Memleket tarihy institýtynyń jetekshi ǵylymi qyzmetkeri, PhD Jaqsylyq Sábitov, t.b. da baiandama oqydy.
