Nur-Sultan qalasynda kóshede bei-bereket júrgen úi maly aiyp turaǵyna jetkiziledi.
«Jergilikti politsiia qyzmeti basqarmasy Qazaqstan Respýblikasy Aýyl sharýashylyǵy ministrligi Veterinariialyq baqylaý jáne qadaǵalaý komitetiniń Nur-Sultan qalasy boiynsha aýmaqtyq inspektsiiasymen jáne elordanyń aýdandyq ákimdikterimen birlesip, Qazaqstan Respýblikasy Ákimshilik quqyq buzýshylyq týraly Kodeksiniń 406, 408-baptary boiynsha janýardyń menshik iesin ákimshilik jaýapkershilikke tartý jóninde komissiialyq sheshim qabyldaidy. Atalǵan baptar elorda aýmaǵynda qaraýsyz qalǵan maldy jaiý faktisin anyqtaý jaǵdailaryna qatysty.
Janýar iesiniń jeke basy anyqtalǵanǵa jáne mán-jaiy anyqtalǵanǵa deiin qaraýsyz qalǵan aýyl sharýashylyǵy janýarlary Nur-Sultan qalasy, Alash tas joly, 72 meken-jaiynda ustalatyn bolady.
Janýarlardy iesine qaitarǵan kezde iesi sol aralyqqa deiingi shyǵyndy óteýi tiis.
Bul sharalar qaraýsyz qalǵan janýarlardyń qatysýymen bolǵan jol-kólik oqiǵalarynyń, sondai-aq urlanǵan maldy urlaý men zańsyz ótkizýdiń aldyn alýǵa múmkindik beredi.
Tolyq aqparat alý úshin myna telefondarǵa habarlasýǵa bolady: 8(7172)55-68-96, 8(7172)28-59-70», - delingen qala ákimdiginiń resmi saitynda.
