«Nur-Sultan ákimi Altai Kólginov qalada karantindi uzartý múmkindigi týraly suraqqa jaýap berdi, dep habarlaidy "Ult aqparat".
«Barlyǵy epidemiologiialyq ahýalǵa bailanysty. Búginde epidemiologiialyq jaǵdai edáýir jaqsaryp qaldy, dinamika ońtaily dárejede. Buǵan der kezinde qabyldanǵan sharalar, iaǵni karantindik sharalar men bizdiń dárigerlerdiń kúsh-jigeri yqpal etti. Endi karantinnen keiingi kezeńge daiyndalyp jatyrmyz. Osy aptada Úkimette vedomstvoaralyq komissiia qabyldanǵan sharalardyń nátijesin jariialaidy», - dedi elorda ákimi «Astana» telearnasyna bergen suhbatynda
Onyń sózine qaraǵanda, búgin saýda ortalyqtary ókilderimen, quryltaishylarmen, jalǵa alýshylarmen kezdesý ótti.
«Biz kásiporyndarmen aýqymdy jumystardy atqaryp jatyrmyz. Karantinniń aiaqtalýyn kútpei, sanitarlyq normalardy oryndaý boiynsha qatań sharalarǵa daiyndalýdamyz. Olar negizinen jabyq ǵimarattar. Sanitar dárigerlerdiń dereginshe, dál osy jabyq ǵimarattardyń ishinde indet juqtyrý qaýpi joǵary. Sondyqtan sanitardyq normalardyń oryndalýyn baqylaý kerek. Sáikesinshe, osy úshin jaýapkershilik bul saýda nysandarynyń ákimshiligine tiesili», - A. Kólginov.
