«نۇر-سۇلتان ەكٸمٸ التاي كٶلگٸنوۆ قالادا كارانتيندٸ ۇزارتۋ مٷمكٸندٸگٸ تۋرالى سۇراققا جاۋاپ بەردٸ, دەپ حابارلايدى "ۇلت اقپارات".
«بارلىعى ەپيدەميولوگييالىق احۋالعا بايلانىستى. بٷگٸندە ەپيدەميولوگييالىق جاعداي ەدەۋٸر جاقسارىپ قالدى, ديناميكا وڭتايلى دەرەجەدە. بۇعان دەر كەزٸندە قابىلدانعان شارالار, ياعني كارانتيندٸك شارالار مەن بٸزدٸڭ دەرٸگەرلەردٸڭ كٷش-جٸگەرٸ ىقپال ەتتٸ. ەندٸ كارانتيننەن كەيٸنگٸ كەزەڭگە دايىندالىپ جاتىرمىز. وسى اپتادا ٷكٸمەتتە ۆەدومستۆوارالىق كوميسسييا قابىلدانعان شارالاردىڭ نەتيجەسٸن جارييالايدى», - دەدٸ ەلوردا ەكٸمٸ «Astana» تەلەارناسىنا بەرگەن سۇحباتىندا
ونىڭ سٶزٸنە قاراعاندا, بٷگٸن ساۋدا ورتالىقتارى ٶكٸلدەرٸمەن, قۇرىلتايشىلارمەن, جالعا الۋشىلارمەن كەزدەسۋ ٶتتٸ.
«بٸز كەسٸپورىندارمەن اۋقىمدى جۇمىستاردى اتقارىپ جاتىرمىز. كارانتيننٸڭ اياقتالۋىن كٷتپەي, سانيتارلىق نورمالاردى ورىنداۋ بويىنشا قاتاڭ شارالارعا دايىندالۋدامىز. ولار نەگٸزٸنەن جابىق عيماراتتار. سانيتار دەرٸگەرلەردٸڭ دەرەگٸنشە, دەل وسى جابىق عيماراتتاردىڭ ٸشٸندە ٸندەت جۇقتىرۋ قاۋپٸ جوعارى. سوندىقتان سانيتاردىق نورمالاردىڭ ورىندالۋىن باقىلاۋ كەرەك. سەيكەسٸنشە, وسى ٷشٸن جاۋاپكەرشٸلٸك بۇل ساۋدا نىساندارىنىڭ ەكٸمشٸلٸگٸنە تيەسٸلٸ», - ا. كٶلگٸنوۆ.
