Elordada karantin tártibin buzǵandar 150 million teńgeden astam aiyppul tóledi. Bul týraly qala ákimdiginiń saitynda habarlandy.
Nur-Sultanda mobildi toptar shaǵyn jáne orta biznes sýbektilerine reidterdi jalǵastyrýda.
Politsiia departamentinen málim etkendei, keibir oiyn-saýyq mekemeleri men turǵyndar COVID-19 taralý qaýpi artqanyna qaramastan, erejelerdi elemei keledi.
Atap aitqanda, 16 qarasha kúni saǵat 00: 39-da mobildi top «Qwartet» karaoke-barynda 40-qa jýyq adam bolǵanyn anyqtady. 15 qarasha kúni saǵat 23.54-te «Tequila» laýndj-barynda 50-ge jýyq demalýshy otyrǵan.
Al 14 qarashada saǵat 22:00-de «Zeid» meiramhanasynda otbasylyq mereke ótken. 40-tan astam qonaq 50 jyldyq mereitoiǵa jinalǵan.
«Mekeme ielerine qatysty jinalǵan material protsessýaldyq sheshim qabyldaý úshin Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.
Jalpy alǵanda, 9 - 15 qarasha aralyǵynda mobildi toptar Almaty aýdanynda - 14, Baiqońyr aýdanynda - 7, Esil aýdanynda – 18, Saryarqa aýdanynda 18 buzýshylyq anyqtady.
16 qarashadaǵy jaǵdai boiynsha, Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýdandyq basqarmalaryna karantindi buzǵan adamdarǵa qatysty aýdandyq politsiia basqarmalarynan 2043 material kelip tústi. Jalpy somasy 193 288 236 teńgeni quraityn 963 jeke jáne zańdy tulǵa ákimshilik jaýapkershilikke tartyldy.
Búgingi tańda jalpy somasy 151 324 915 teńgege 752 ákimshilik aiyppul tólendi», - delingen aqparatta.
