Nur-Sultan qalasynyń bas sanitar dárigeri Janna Pirálieva elordada koronavirýsqa qatysty talaptar oryndalmaǵan jaǵdaida karantindik sharalar kúsheitilýi múmkin ekenin aitty, dep habarlaidy QazAqparat.
«Qabyldanǵan karantin men shekteý sharalaryna qaramastan, koronavirýs infektsiiasy áli de tirkelýde. Sanitarlyq-epidemiologiialyq jaǵdaidyń nasharlaýyna jol bermeý úshin barlyq azamattardy, qalamyzdyń qonaqtaryn adam kóp jinalatyn jerge barmaýǵa shaqyramyz. Qalada bekitilgen karantin rejimin saqtaýǵa, koronavirýs pandemiiasy kezinde óziniń jáne ózgeniń ómirine qaýip-qater tóndirmeýine shaqyramyn. Sonymen qatar, barlyq uiym basshylarynan karantin rejimin qatań saqtap, sanitarlyq normalardy oryndaýdy talap etemin», - Janna Pirálieva Ortalyq kommýnikatsiialar qyzmetinde.
Osy oraida ol uiym basshylaryna qarata aitqan sózinde shekteý sharalary kúsheitilýi múmkin ekenin jetkizdi.
«Naýqastar sany artqanda jaǵdaida, qalanyń bas sanitar dárigeri retinde epidemiologiialyq jaǵdaidy baǵalai otyryp, koronavirýs infektsiiasynyń ary qarai taralýyna jol bermeý maqsatynda shekteý ári karantin sharalaryn kúsheitý týraly sheshim qabyldaýǵa májbúr bolamyn», - dedi Janna Pirálieva.
Onyń paiymynsha, adamdardyń jaýapkershilikke salǵyrt qaraýy qaladaǵy epidemiologiialyq jaǵdaidy turaqtandyrýǵa kedergi keltirip otyr.
