Nur-Sultanda eskertýge qaramastan, jol beketin ainalyp karantin aimaǵynan ótpek bolǵandar azaimai otyr, - dep habarlaidy qala ákimdigi.
Qalalyq politsiia bóliminiń baspasóz qyzmeti habarlaǵandai, Nur-Sultan qalasynda karantin bastalǵaly 3 347 azamat jaýapqa tartylyp, onyń 226-sy qamaýǵa alynǵan. Sondai-aq 2 348 adamǵa aiyppul salynyp, 699 quqyq buzýshyǵa eskertý jasaldy. 74 is sotta qaralýda.
Ákimdiktiń aiyp turaǵyna 1 160 kólik qoiyldy.
«Shekteý men eskertýge qaramastan blokposttarǵa toqtamai, karantin aimaǵyn kesip ótý jii tirkelýde. Búginde 143 adam qamaýǵa alynyp, 44 adamǵa aiyppul salyndy. 24 material sot qaraýyna jiberildi», – deidi baspasóz qyzmeti.
«Qabyldanǵan sharalarǵa túsinistikpen qarap, politsiianyń zańdy talaptaryn oryndańyz jáne olarǵa infektsiianyń aldyn alýǵa kómektesińiz. Bul sharalardyń barlyǵy sizdiń jáne jaqyndaryńyzdyń densaýlyǵy úshin jasaldy», – delingen habarlamada.
