2019 jyly Nur-Sultan qalasynyń qoǵamdyq oryndarynda jasalǵan qylmystardyń sany 44,9 paiyzǵa azaidy, dep habarlaidy "Ult aqparat".
Elorda ákiminiń orynbasary Malika Bekturovanyń aitýyna qaraǵanda, 2018 jyly qalanyń qoǵamdyq oryndarynda 14 myńnan astam quqyqbuzýshylyq jasalsa, 2019 jyly bul kórsetkish 8 myńǵa deiin tómendegen. Onyń ishinde, qala kóshelerinde jasalǵan qylmystar 38,4 paiyzǵa azaiǵan. Buzaqylyq áreketter sany 52,3 paiyzǵa tómendegen.
«Búgingi tańda astanada «Sergek» qoǵamdyq jáne jol qaýipsizdigi jobasy boiynsha 13 myń kamera ornatyldy. Onyń ishinde 10 myńy qaladaǵy qoǵamdyq tártipti qadaǵalaidy. Bul kameralardyń derekteri kóshelerde bolyp jatqan jaǵdaidy politsiia qyzmetkerleri baqylaityn Ahýal ortalyǵyna beriledi. Jol qiylystarynda jáne joldyń jelilik ýchaskelerinde ornatylǵan apparattyq-baǵdarlamalyq keshenderdiń quramyna kiretin sholý kameralary da elordada qoǵamdyq qaýipsizdikti baqylaýǵa múmkindik beredi», - dep jazady Malika Bekturova Telegram-paraqshasynda.
Kameralar qalanyń túpkir aýdandarynda, mektepterdiń janynda, qoǵamdyq oryndarda ornalasqan. Sondai-aq, mektepterde, balabaqshalarda, qoǵamdyq oryndar aýmaǵynda astanadaǵy qaýipsizdiktiń deńgeiin arttyrý maqsatynda menshikti kameralardy integratsiialaý jumystary júrgizilip jatyr.
