2019 جىلى نۇر-سۇلتان قالاسىنىڭ قوعامدىق ورىندارىندا جاسالعان قىلمىستاردىڭ سانى 44,9 پايىزعا ازايدى, دەپ حابارلايدى "ۇلت اقپارات".
ەلوردا ەكٸمٸنٸڭ ورىنباسارى ماليكا بەكتۇروۆانىڭ ايتۋىنا قاراعاندا, 2018 جىلى قالانىڭ قوعامدىق ورىندارىندا 14 مىڭنان استام قۇقىقبۇزۋشىلىق جاسالسا, 2019 جىلى بۇل كٶرسەتكٸش 8 مىڭعا دەيٸن تٶمەندەگەن. ونىڭ ٸشٸندە, قالا كٶشەلەرٸندە جاسالعان قىلمىستار 38,4 پايىزعا ازايعان. بۇزاقىلىق ەرەكەتتەر سانى 52,3 پايىزعا تٶمەندەگەن.
«بٷگٸنگٸ تاڭدا استانادا «سەرگەك» قوعامدىق جەنە جول قاۋٸپسٸزدٸگٸ جوباسى بويىنشا 13 مىڭ كامەرا ورناتىلدى. ونىڭ ٸشٸندە 10 مىڭى قالاداعى قوعامدىق تەرتٸپتٸ قاداعالايدى. بۇل كامەرالاردىڭ دەرەكتەرٸ كٶشەلەردە بولىپ جاتقان جاعدايدى پوليتسييا قىزمەتكەرلەرٸ باقىلايتىن احۋال ورتالىعىنا بەرٸلەدٸ. جول قيىلىستارىندا جەنە جولدىڭ جەلٸلٸك ۋچاسكەلەرٸندە ورناتىلعان اپپاراتتىق-باعدارلامالىق كەشەندەردٸڭ قۇرامىنا كٸرەتٸن شولۋ كامەرالارى دا ەلوردادا قوعامدىق قاۋٸپسٸزدٸكتٸ باقىلاۋعا مٷمكٸندٸك بەرەدٸ», - دەپ جازادى ماليكا بەكتۇروۆا تelegram-پاراقشاسىندا.
كامەرالار قالانىڭ تٷپكٸر اۋداندارىندا, مەكتەپتەردٸڭ جانىندا, قوعامدىق ورىنداردا ورنالاسقان. سونداي-اق, مەكتەپتەردە, بالاباقشالاردا, قوعامدىق ورىندار اۋماعىندا استاناداعى قاۋٸپسٸزدٸكتٸڭ دەڭگەيٸن ارتتىرۋ ماقساتىندا مەنشٸكتٸ كامەرالاردى ينتەگراتسييالاۋ جۇمىستارى جٷرگٸزٸلٸپ جاتىر.
