Nur-Sultan qalalyq politsiia departamenti káriz júiesine júrgiziletin qurylys jumystaryna bailanysty Qaldaiaqov kóshesiniń bir bóligi jabylatynyn eskertti, dep habarlaidy "Ult aqparat".
«Osy jyldyń 16 naýryzynan 3 sáýirine deiin Qaldaiaqov kóshesiniń sol jaǵalaýǵa aparatyn Táýelsizdik dańǵylynan bastalǵan bóligi nóser kárizi qurylysy boiynsha júrgiziletin jumystarǵa bailanysty jabylady. Táýelsizdik dańǵylynan sol jaǵalaýǵa shyǵý úshin Qaldaiaqov kóshesiniń jabylǵan bóligin ainalyp ótip Nájimedenov kóshesimen M-3 kópirine shyǵý kerek. Al sol jaǵalaýdan M-3 kópiri arqyly Táýelsizdik dańǵylyna baǵyt alǵan kólikter Qaldaiaqov kóshesimen tek tik júrýi (nemese Panfilov kóshesinen ońǵa burylýy) kerek», - dep habarlaidy qalalyq politsiia departamentinen.
«Frantsýz kvartaly» turǵyn úi alaby jaqtan Panfilov kóshesimen kele jatyp Qaldaiaqov kóshesine tússeńiz tek ońǵa Táýelsizdik dańǵylyna burylýǵa ruqsat bar. Sol jaǵalaýǵa barý úshin solǵa burylýǵa da, tik júrýge de shektei qoiylady.
«Osyǵan bailanysty Nur-Sultan qalasynyń politsiia departamenti elorda turǵyndary men meimandaryna jolǵa shyqqanda aldyn ala josparlaýdy suradiy. Atalǵan ýchaskede saǵatyna 20-40 shaqyrymmen ǵana júrýge bolady», - dep habarlaidy departamentten.
