Búginde politsiiaǵa alaiaqtardyń áreketinen zardap shekken 9 adam shaǵym túsirdi, dep habarlaidy QazAqparat Nur-Sultan qalasy politsiia departamentiniń baspasóz qyzmetine silteme jasap.
Máselen, ótken jyldyń sáýir aiynda elorda turǵyny alaiaqtarǵa aldanyp, 1,5 million teńgesinen aiyryldy. Alaiaqtar 2020 jyldyń jeltoqsan aiynda ipoteka alamyz dep aldap, taǵy bir jábirlenýshiniń 4 million 490 myń teńge qarajatyn qaltaǵa basqan.
Aqshasynan aiyrylǵan qala turǵyndary politsiiaǵa júgingen.
Jedel-izdestirý is-sharalary barysynda politsiia qyzmetkerleri 40 jáne 38 jastaǵy eki áieldi ustady. Olardyń biri buryn osyǵan uqsas qylmys jasaǵany úshin sottalǵany anyqtaldy.
Kúdiktilerge qatysty QR Qylmystyq kodeksiniń 190-babynyń 3-bólimimen (iri kólemdegi alaiaqtyq jasaý) tergeý amaldary júrgizilýde. Sondai-aq olardyń elorda aýmaǵynda osyǵan uqsas qylmystarǵa qatysy anyqtalyp jatyr.
Atalǵan tulǵalardyń zańǵa qaishy áreketterinen zardap shekken azamattardy Nur-Sultan qalasy politsiia departamentiniń Orynbor, 9 mekenjaiy boiynsha ornalasqan «Esil» aýdandyq politsiia basqarmasyna júginýdi nemese tómendegi telefon nómirlerine habarlasýyn suraimyz: 8 (7172) 71-65-57, 71-65-58, 71-65-50, nemese «102».
