Elorda kafeleriniń birinde "ystyq bálish" qupiia sózimen jasyryn gashish satylǵan, - dep habarlaidy Tengrinews.kz.
Basylym málimetinshe, bul qylmys arnaiy operatsiia nátijesinde anyqtalǵan.
"Esirtki satqany úshin úi taǵamdary ázirlenetin kafeniń 52 jastaǵy iesi ustaldy.
Ol óz mekemesinde "ystyq bálish" degen kodpen esirtki satqan.
Áiel turatyn ǵimarat pen kafeni tintý kezinde satýǵa daiyndalǵan "gashish" salynǵan 56 qaǵaz orama tabyldy. Sol jerden esirtki satqannan alynǵan 2,5 million teńge somasyndaǵy aqsha shyqty", - delingen habarlamada.
Nur-Sultan qalasy PD bastyǵynyń orynbasary Qýanysh Orynbetovtyń aitýynsha, tárkilengen esirtkiniń jalpy salmaǵy 1 keliden asady.
Kúdikti áiel óz kinásin moiyndap, PD ýaqytsha ustaý izoliatoryna qamaldy. QR QK 297-baby 3-bóligi boiynsha sotaldy tergeý amaldary júrip jatyr.
