Búgin elordada Qazaqstan Respýblikasy Aqparat jáne qoǵamdyq damý ministrliginiń qoldaýymen ENACTUS KAZFEST 2020 innovatsiialyq jobalardyń onlain kórme-festivali ótti.
Bul týraly QR Aqparat jáne qoǵamdyq damý ministrliginiń resmi saitynan málim boldy, dep habarlaidy "Ult aqparat".
Kórme-festival elimizde mektep jáne stýdenttik kásipkerlikti damytý maqsatynda ótkizilýdi. Is-sharaǵa iskerlik qoǵamdastyqtyń ókilderi, mektep oqýshylary, kolledjder men ýniversitetterdiń stýdentteri, elimizge belgili sarapshylar men qoǵam qairatkerleri shaqyryldy.
Kórmege Qazaqstan Respýblikasy Aqparat jáne qoǵamdyq damý ministrligi Jastar jáne otbasy isteri komitetiniń tóraǵasy Shahmardan Baimanov, sondai-aq «Rýhani jańǵyrý» Qazaqstandyq qoǵamdy damytý institýty» KEAQ Basqarma tóraǵasy Daniiar Esin, Forbes Kazakhstan baspageri Armanjan Baitasov, «RAIMBEK» Holdinginiń direktorlar keńesiniń tóraǵasy Raiymbek Batalov jáne basqalar qatysty.
Qazaqstandaǵy Enactus halyqaralyq baǵdarlamasy BUU-nyń turaqty damýynyń 17 maqsatyna súiene otyryp, álemdegi 56 joǵary oqý orny men 72 000-nan astam stýdentti biriktiredi. Halyqaralyq tájiribe kórsetkendei, osy baǵdarlama sheńberindegi stýdentterdiń jobalyq qyzmeti ýniversitettik bilimge keremet qosymsha bolyp tabylady. Enactus aiasynda komandalar júzege asyratyn jobalardyń negizgi baǵyttary - kásipkerlik, áleýmettik damý, qorshaǵan ortany saqtaý.
Enactus Kazakhstan qyzmeti qazaqstandyq jastardyń básekege qabilettiligin arttyrý jáne onyń otandyq biznesti damytýǵa belsendi qatysýy jónindegi mindetterdi iske asyrýǵa baǵyttalǵan.
Innovatsiialyq jobalardyń festival-kórmesi – áleýmettik-ekonomikalyq jáne ekologiialyq keisterdiń innovatsiialyq sheshimderin usynatyn iskerlik seriktester men jas kásipkerlerdiń tiimdi ózara is-qimylynyń biregei platformasy.
