4 naýryz kúni M.Gorkii atyndaǵy orys drama teatrynyń "Gorky FM" onlain-radiostantsiiasy tanystyrylady, dep habarlaidy Nur-Sultan ákimdiginiń resmi saity.
Teatr ókilderi karantin kezinde gotheatre.radio12345.com platformasynda tikelei habar taratý arqyly óz kórermenderimen bailanys ornatady.
«Qazir bárimiz karantindemiz. Biraq shyǵarmashylyq adamdary eshqashan tynysh otyrmaidy. Teatrdyń barlyq qyzmetkeri úilerinde bolǵanymen, jumys qyzý júrip jatyr. Biz áleýmettik jelilerde tikelei efir júrgizýdi qolǵa alyp, túrli jazbalar men videolar júkteimiz. Men kórermenge jaqyn bolý joldary týraly uzaq oilandym. Sebebi kóptegen adam bul qiyn ýaqytty bizdiń qalai ótkizip jatqanymyz jóninde jii suraidy,» – deidi M.Gorkii atyndaǵy orys drama teatrynyń akteri, kinorejisser Sergei Mashtakov.
Osylaisha, shaǵyn radiostantsiia qurý ideiasy paida boldy. Belgili bolǵandai, birde-bir qazaqstandyq teatrda mundai onlain-platforma joq. FM tolqynyn qurý qiyn bolǵandyqtan, internettegi radio óte jaqsy balama sanalady. Ol úshin tek silteme arqyly ótý qajet.
«Mende stýdiialyq mikrofon, kompiýter, bizdiń teatrdyń mýzykalyq bazasy – barlyq spektaklderdiń mýzykasy bar. Úiden tolyqqandy radiostantsiia jasaýǵa bolady. Qazirgi ýaqytta bári múmkin», – deidi ideia avtory.
Tyńdaýshylar tikelei efirge +7 700 27 08 173 nómiri boiynsha habarlasa alady nemese @gorkytheatre instagram paraqshasy arqyly pikir bildirip, saýal joldai alady.
«Bolashaqta akterler habar taratady. Sebebi bul ideia kóptegen adamǵa qozǵaý saldy. Biz stýdiiany teatrǵa kóshire alamyz jáne sol jerden osyndai kezdesýler, akterlermen tikelei efirler uiymdastyra alamyz. Sondai–aq, aýdiospektaklder jazyp, olardy osyndai jolmen kórsetý josparlanýda», – deidi S. Mashtakov.
Gorky FM aptasyna 3-4 ret qoljetimdi bolady. Eger qatysý statistikasy ósetin bolsa, aldaǵy ýaqytta efirler áldeqaida kóbeiedi.
.jpeg)