Elordanyń politseileri arnaiy operatsiia júrgizip, onyń barysynda qala aýmaǵyna esirtki zattaryn jetkizý men ótkizý «arnasyn» joidy, dep habarlaidy QazAqparat.
Nur-Sultan qalalyq politsiia departamentiniń málimetinshe, jedel-izdestirý is-sharalaryn ótkizý kezinde asa iri mólsherde esirtkini saqtaǵany úshin buryn esirtki qylmysy úshin sottalǵan 40 jastaǵy áiel ustaldy. Jeke tintý kezinde odan satýǵa daiyndalǵan «geroin» esirtki zatynyń 21 túiini tárkilendi.
«Esirtkiniń negizgi jetkizýshisin anyqtaý maqsatynda júrgizilgen jedel-izdestirý is-sharalary barysynda politseiler esirtki qylmysy úshin sottalǵan 32 jastaǵy kúdiktini ustady. Ol tórt gramnan astam «geroin» esirtki zatyn satqan. Atalǵan fakti boiynsha QR QK 297-baby 3-bóligi «esirtki zattardy, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý, jóneltý nemese ótkizý» boiynsha qylmystyq is qozǵaldy», - dep atap ótedi vedomstvodan.
