ەلوردانىڭ پوليتسەيلەرٸ ارنايى وپەراتسييا جٷرگٸزٸپ, ونىڭ بارىسىندا قالا اۋماعىنا ەسٸرتكٸ زاتتارىن جەتكٸزۋ مەن ٶتكٸزۋ «ارناسىن» جويدى, دەپ حابارلايدى قازاقپارات.
نۇر-سۇلتان قالالىق پوليتسييا دەپارتامەنتٸنٸڭ مەلٸمەتٸنشە, جەدەل-ٸزدەستٸرۋ ٸس-شارالارىن ٶتكٸزۋ كەزٸندە اسا ٸرٸ مٶلشەردە ەسٸرتكٸنٸ ساقتاعانى ٷشٸن بۇرىن ەسٸرتكٸ قىلمىسى ٷشٸن سوتتالعان 40 جاستاعى ەيەل ۇستالدى. جەكە تٸنتۋ كەزٸندە ودان ساتۋعا دايىندالعان «گەروين» ەسٸرتكٸ زاتىنىڭ 21 تٷيٸنٸ تەركٸلەندٸ.
«ەسٸرتكٸنٸڭ نەگٸزگٸ جەتكٸزۋشٸسٸن انىقتاۋ ماقساتىندا جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا پوليتسەيلەر ەسٸرتكٸ قىلمىسى ٷشٸن سوتتالعان 32 جاستاعى كٷدٸكتٸنٸ ۇستادى. ول تٶرت گرامنان استام «گەروين» ەسٸرتكٸ زاتىن ساتقان. اتالعان فاكتٸ بويىنشا قر قك 297-بابى 3-بٶلٸگٸ «ەسٸرتكٸ زاتتاردى, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, ساتىپ الۋ, ساقتاۋ, تاسىمالداۋ, جٶنەلتۋ نەمەسە ٶتكٸزۋ» بويىنشا قىلمىستىق ٸس قوزعالدى», - دەپ اتاپ ٶتەدٸ ۆەدومستۆودان.
