Elorda turǵyndary úshin kógildir otyn baǵasy arzandady, dep habarlaidy "Ult aqparat".
QR Ulttyq ekonomika ministrligi Tabiǵi monopoliialardy retteý komiteti «QazTransGaz Aimaq» AQ-nyń elorda filialy úshin taýarlyq gazǵa baǵany: qosylǵan qun salyǵynsyz 1 tekshe metr úshin 30,9 mólsherinde (QQS-pen 1 tekshe metr úshin 34,6) bekitti. Jańa tarif 2020 jyldyń 1 qarashasynan bastap qoldanysqa engiziledi jáne bir jyl boiy osy deńgeide saqtalady.
«Nur-Sultan qalasynyń tutynýshylary úshin taýarlyq gazdy ótkizýdiń túpkilikti baǵasyn esepteý kezinde, Energetika ministriniń 2020 jylǵy 18 mamyrdaǵy №196 buiryǵymen bekitilgen taýarlyq gazdy kóterme saýdada ótkizýdiń qoldanystaǵy shekti baǵalary eskerildi.
Tarif budan buryn birqatar BAQ-ta habarlanǵan boljamdy tariften tómenirek qalyptasqanyn atap ótemiz», - dedi QR UEM Tabiǵi monopoliialardy retteý komitetinen.
