Elordada «Eýropalyq» turǵyn úi kesheniniń turǵyndary evakýatsiialanýda, dep habarlaidy QazAqparat.
«19 qarasha kúni saǵat 15.29-da Nur-Sultan qalalyq Tótenshe jaǵdailar departametiniń órt sóndirý bólimshesi Botaly kóshesi, 26 mekenjaidaǵy órt týraly habarlama alyp, oqiǵa ornyna attandy. Ótr sóndirýshiler oqiǵa ornyna 6 minýttyń ishinde jetip, 18 qabatty «Eýropalyq» turǵyn úi kesheniniń №1 kireberisindegi 10 men 14 qabat aralyǵynda elektr kabelderi tartylǵan shahtanyń janyp jatqanyn anyqtady», - dedi elordanyń Tótenshe jaǵdailar departamentinen.
Vedomstvo málimetinshe, qazirgi ýaqytta atalǵan turǵyn úi turǵyndaryn qaýipsiz jerge shyǵarý is-sharalary júrgizilip jatyr. Órttiń aldyn alýǵa Nur-Sultan qalalyq tótenshe jaǵdailar departamenti jeke quramynyń 22 mamany men 6 tehnikasy jumyldyrylǵan.
