Elordanyń kriminaldyq politsiia qyzmetkerleri jedel izdestirý sharalaryn ótkizý barysynda buryn birneshe ret sottalǵan adamdy urlyq jasady degen kúdikpen ustady, dep habarlaidy, "Ult aqparat" Nur-Sultan qalalyq Politsiia deparatmentiniń baspasóz qyzmetine silteme jasap.
Tergeý barysynda ońai jolmen aqsha tappaq bolǵan er adamnyń páter jaldap, ondaǵy teledidarlardy tonap ketkeni anyqtaldy. Keltirilgen shyǵynnyń jalpy somasy 350 000 teńgeni qurady.
Páter aqysyn tólep, ondaǵy múlikke qol jetkizgen kúdikti jaǵdaidy paidalanyp, páterden teledidarlardy alyp shyǵyp, olardy lombardqa ótkizip jibergen. Páter ieleri zatttarynyń joǵalǵany belgili bolǵannan keiin politsiiaǵa habarlaǵan.
Politseiler kúdiktini ustady. Qylmystyq is qozǵaldy, QR QK 188 baby boiynsha sotqa deiingi tergeý amaldary júrgizilip jatyr.
«Er adam qamaýǵa alyndy. Kúdikti kinásin moiyndady, qazirgi ýaqytta urlyq jasady degen osyǵan uqsas 5 fakti tekserilýde, zattai aiǵaqtar alyndy, onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilip jatyr»,-delingen habarlamada.
