ەلوردانىڭ كريمينالدىق پوليتسييا قىزمەتكەرلەرٸ جەدەل ٸزدەستٸرۋ شارالارىن ٶتكٸزۋ بارىسىندا بۇرىن بٸرنەشە رەت سوتتالعان ادامدى ۇرلىق جاسادى دەگەن كٷدٸكپەن ۇستادى, دەپ حابارلايدى, "ۇلت اقپارات" نۇر-سۇلتان قالالىق پوليتسييا دەپاراتمەنتٸنٸڭ باسپاسٶز قىزمەتٸنە سٸلتەمە جاساپ.
تەرگەۋ بارىسىندا وڭاي جولمەن اقشا تاپپاق بولعان ەر ادامنىڭ پەتەر جالداپ, ونداعى تەلەديدارلاردى توناپ كەتكەنٸ انىقتالدى. كەلتٸرٸلگەن شىعىننىڭ جالپى سوماسى 350 000 تەڭگەنٸ قۇرادى.
پەتەر اقىسىن تٶلەپ, ونداعى مٷلٸككە قول جەتكٸزگەن كٷدٸكتٸ جاعدايدى پايدالانىپ, پەتەردەن تەلەديدارلاردى الىپ شىعىپ, ولاردى لومباردقا ٶتكٸزٸپ جٸبەرگەن. پەتەر يەلەرٸ زاتتتارىنىڭ جوعالعانى بەلگٸلٸ بولعاننان كەيٸن پوليتسيياعا حابارلاعان.
پوليتسەيلەر كٷدٸكتٸنٸ ۇستادى. قىلمىستىق ٸس قوزعالدى, قر قك 188 بابى بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
«ەر ادام قاماۋعا الىندى. كٷدٸكتٸ كٸنەسٸن مويىندادى, قازٸرگٸ ۋاقىتتا ۇرلىق جاسادى دەگەن وسىعان ۇقساس 5 فاكتٸ تەكسەرٸلۋدە, زاتتاي ايعاقتار الىندى, ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى تەكسەرٸلٸپ جاتىر»,-دەلٸنگەن حابارلامادا.
