Elordamyz Nur-Sultan qalasynda QR Memlekettik qyzmet isteri agenttigi, Astana Memlekettik qyzmet haby, Qazaqstannyń HR qaýymdastyǵy jáne Koreia Respýblikasynyń Personaldy basqarý ministrliginiń uiymdastyrýymen «Elektrondyq oqytý arqyly adami resýrstardy damytý: elderdiń tájiribesi» taqyrybynda halyqaralyq onlain-konferentsiia ótti, - dep habarlaidy «Ult aqparat».
Agenttik tóraǵasy Anar Jailǵanova óz sózinde Qazaqstannyń Memlekettik qyzmet salasyndaǵy tsifrlandyrý tájiribesimen, sondai-aq memlekettik qyzmetshilerdiń tsifrlyq daǵdylaryn damytýǵa baǵyttalǵan sharalar týraly aqparatpen bólisti.
«iQyzmet» bazasynda kadrlyq protsesterdi tsifrlandyrýdyń birinshi kezeńi retinde memlekettik qyzmetke irikteý protsesin qaita qaraý júzege asyrylady. Irikteýdiń barlyq kezeńderi budan bylai avtomattandyrylady, bul rekrýtingtik protsesterdiń obektivtiligi men ashyqtyǵyn qamtamasyz etedi. Budan basqa, kandidattardyń derekteri bar bos jumys oryndarymen jáne biliktilik talaptarymen avtomatty túrde salystyrý múmkindigi kózdelgen. Bul kandidattardy proaktivti izdeýdi júzege asyrýǵa múmkindik beredi», - dedi QR Memlekettik qyzmet isteri agenttiginiń tóraǵasy Anar Jailǵanova.
Konferentsiia jumysyna Eýropa, Aziia jáne Amerikanyń 20 elinen 200 sarapshylar, memlekettik qyzmetshiler men ǵalymdar qatysqan. Koreia Respýblikasynyń Personaldy basqarý ministri Kim Vý Hý óziniń quttyqtaý sózinde oqytý álemniń barlyq elderinde memlekettik qyzmetshilerdiń básekege qabilettiligin arttyrýda sheshýshi ról atqaratynyn atap ótti. Onyń aitýynsha, aqparattyq qoǵamǵa kóshý úrdisterine sáikes Koreiada elektrondy oqytýdy belsendi engizý 2000 jyldary bastaldy. 2017 jyldan bastap barlyq oqý baǵdarlamalary Úkimettiń elektrondy oqytý platformasyna biriktirilgen. Adami resýrstardyń jańa býynyn damytý maqsatynda 2020 jyldan bastap elektrondy oqytýda jasandy intellekt tehnologiialary qoldanylýda jáne open smart platform ázirlenýde. Bul rette Kim Vý Hý myrza «jylyna úsh júz alpys kún boiy derbes elektrondy oqytý júiesi kez-kelgen jerde, kez-kelgen ýaqytta» degen ustanym baryn atap ótti.
«E - learning (aǵylshyn tilinen Electronic Learning qysqartylǵan) – elektrondyq oqytý júiesi, qashyqtan oqytý, kompiýterdiń kómegimen oqytý, jelilik oqytý, virtýaldy oqytý, aqparattyq, elektrondyq tehnologiialardyń kómegimen oqytý sinonimi. Elektrondyq oqytý barlyq bilim berý uiymdarynyń qyzmetkerleri úshin bilimniń biryńǵai standartyn qamtamasyz etedi.
E - learning strategiialyq negizgi ulttyq bilim berý júiesin damytý jáne jańartý arqyly sipattalatyndyǵymen aiqyndalady.
Elektrondyq oqytý júiesi engizilgen elderdiń aldyńǵy qataryna myna memleketter enedi: AQSh, Kanada, Ulybritaniia, Germaniia, Italiia, Frantsiia.
Zertteýshilerdiń aitýynsha, shetelde 70% stýdentter bilim alýdyń qashyqtan oqytý túrin tańdaidy. AQSh - ta 200 - den astam ýniversitet jáne myńdaǵan kolledjderde elektrondyq oqytý damyǵan, al elektrondyq kýrstardyń sany jyl saiyn shamamen 30 - 40%- ǵa ulǵaiý ústinde.
Dúniejúzi boiynsha 100 millionnan artyq adam elektrondy túrde bilim alady», - dedi Koreia Respýblikasynyń Personaldy basqarý ministri Kim Vý Hý.
Konferentsiiaǵa QR Memlekettik qyzmet isteri agenttiginiń tóraǵasy Anar Jailǵanova, Memlekettik qyzmet salasyndaǵy óńirlik habtyń Basqarýshy komitetiniń tóraǵasy Álihan Báimenov, Koreia Respýblikasynyń Personaldy basqarý ministri Kim Vý Hý, Ýkrainanyń Memlekettik qyzmet máseleleri jónindegi ulttyq agenttiginiń basshysy Natalia Aliýshina, Ózbekstan Respýblikasy Prezidentiniń janyndaǵy memlekettik qyzmetti damytý agenttiginiń, Grýziianyń Memlekettik qyzmet biýrosynyń jáne t. b. ókilderi qatysty.
Astana memlekettik qyzmet haby Basqarýshy komitetiniń tóraǵasy Álihan Baimenov óz sózinde pandemiia saldarynan paida bolǵan jańa ahýal qazirgi zamanǵy tehnologiialardyń mańyzdylyǵyn aitarlyqtai arttyra otyryp, olardy qoldanýdy keńeitti dedi. «Sonymen birge búkil álemdegi memlekettik qyzmetshiler jumystyń jańa ádisterin meńgerýde. Tipti memlekettik qyzmetshilerdiń «ZOOM» býyny qalyptasýda dep aitýǵa bolady. Bul ózgerister jańa syn-qaterler týǵyzýda, sonymen birge HR menedjment úshin jańa múmkindikter ashýda. Osy rette e-learning oqytýdyń mańyzdylǵy da artyp otyr»-dedi Baimenov. Osyǵan bailanysty ol Habtyń seriktesterine jáne birqatar elderdiń úkimetterine ashyqtyǵy, óz bilimderi men tájiribesin basqa eldermen bólisýge ázirligi úshin alǵys aitty.
Koreia Respýblikasy Personaldy basqarý ministrliginiń ókili 2017 jyly qurylǵan memlekettik qyzmetshilerdi oqytýdyń ulttyq júiesiniń erekshelikteri týraly aityp berdi. Qazirgi ýaqytta júiede 3000-nan astam oqytý mazmuny bar. Bul kýrstardyń kópshiligi memlekettik qyzmetshiler úshin mindetti bolyp tabylady jáne mysaly, adaldyq pen satylmaýshylyq, genderlik teńdik jáne t.b. máselelerge arnalǵan, bul rette jalpy jáne erekshe jumys daǵdylaryn damytatyn kýrstardy ártúrli ministrlikter birlesip paidalanady. Jalpy alǵanda, koreialyq memlekettik qyzmetkerler jylyna keminde 100 saǵatty quraityn oqýdan ótýi tiis. Bul shart oryndalmaǵan jaǵdaida olar laýazymda odan ári joǵarylaýǵa jatpaidy.
Ýkrainanyń Memlekettik qyzmet máseleleri jónindegi ulttyq agenttiginiń basshysy Natalia Aliýshina konferentsiiaǵa qatysýshylarǵa memlekettik organdar men jergilikti ózin-ózi basqarý organdarynyń ókilderi paidalanatyn bilimdi basqarý portalyn usyndy. Búgingi tańda portalda 119 bilim berý qyzmetin jetkizýshi jáne 1100 oqytý baǵdarlamasy bar.
Konferentsiia barysynda Koreia Respýblikasy, Qazaqstan, Ýkraina, Ózbekstan jáne Estoniianyń Memlekettik qyzmet isteri jónindegi ýákiletti organdarynyń ókilderi men sarapshylary óz elderinde elektrondyq oqytý platformalaryn qurý jáne damytý tájiribesimen bólisip, osy baǵyttaǵy jańalyqtar týraly áńgimeledi. Spikerler elektrondy oqytýdyń mazmuny, formalary, ádisteriniń ártúrliligine jáne uzaqtyǵyna erekshe nazar aýdarylatyny týraly aitty. Sońǵy ýaqytta «micro-learning», iaǵni uzaqtyǵy 10-15 minýttyq beinesabaqtar keń taraýda. Bul rette elektrondy oqytýdyń qaýipsizdigi men turaqtylyǵy basym baǵyt ekeni de aityldy. Jalpy jetekshi elder tájiribesi konferentsiiaǵa qatysýshylardyń qyzyǵýshylyǵyn týdyrdy. Sebebi Covid-19 jaǵdaiynda búkil álemde memlekettik qyzmettiń áleýetin arttyrýda elektrondyq oqytýdyń mańyzy aitarlyqtai ósti. Spikerler, sondai-aq, Astana memlekettik qyzmet habynyń ozyq tájiribelerdi ilgeriletýdegi, qatysýshy elder, áriptester jáne sarapshylar qaýymdastyǵy arasynda tájiribe almasýdaǵy rólin erekshe atap ótti.
Sonymen qatar, konferentsiia barysynda Grýziia, Ózbekstan, sondai-aq Qazaqstan HR qaýymdastyǵynyń elektrondyq oqytý tájiribesi usynyldy.
Esterińizge sala keteiik, Nur-Sultan qalasynda QR Memlekettik qyzmet isteri agenttigi, Astana Memlekettik qyzmet haby, Qazaqstannyń HR qaýymdastyǵy jáne Koreia Respýblikasynyń Personaldy basqarý ministrliginiń uiymdastyrýymen «Elektrondyq oqytý arqyly adami resýrstardy damytý: elderdiń tájiribesi» taqyrybynda halyqaralyq onlain-konferentsiia ótti.
Agenttik tóraǵasy Anar Jailǵanova óz sózinde Qazaqstannyń Memlekettik qyzmet salasyndaǵy tsifrlandyrý tájiribesimen, sondai-aq memlekettik qyzmetshilerdiń tsifrlyq daǵdylaryn damytýǵa baǵyttalǵan sharalar týraly aqparatpen bólisti.
