Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qisyqovanyń aitýynsha, sońǵy eki kúnde elordada koronavirýsty juqtyrǵan 34 adamnyń 18-i «Sharapat» áleýmettik qyzmet kórsetý ortalyǵynan anyqtalǵan, dep habarlaidy QazAqparat.
«Keiingi eki kúnniń ishinde elordada koronavirýsty juqtyrýdyń taǵy 34 jaǵdaiy tirkeldi. 15 sáýirde 15 adam virýs juqtyryp, aýrýdy juqtyrý ósimi 5,3 paiyzdy kórsetti. 16 sáýirde, iaǵni búgin taǵy 19 adam aýrý juqtyryp, ósim 6,4 paiyzǵa jetti. Osy eki kúnde virýs juqtyrǵan adamdardyń tórteýi – birneshe kún boiy koronavirýs juqtyrdy degen kúdikpen statsionarlarda bolǵandar. Diagnostika barysynda olardyń koronavirýs infektsiiasyn juqtyrǵany rastaldy. Ekspres-testileýdiń kómegimen taǵy bir adamnyń COVID-2019 aýrýyn juqtyrǵanyn anyqtadyq. Ol provizorlyq statsionarǵa jetkizilip, sol jerde onyń da virýs juqtyrǵany rastaldy», - dedi Sáýle Qisyqova «Habar 24» arnasynda onlain rejimde ótken baspasóz máslihatynda.
Basqarma basshysynyń aitýynsha virýs juqtyrǵan taǵy 11 adam – buryn COVID-2019 aýrýyna shaldyqqandarmen jaqyn bailanysta bolǵan kisiler. Kóbi - otbasy músheleri men áriptesteri.
«Olardyń bári buryn anyqtalyp, oqshaýlanǵan edi. Infektsiia rastalǵandyqtan olardyń bári emhanaǵa jatqyzyldy», - dedi ol.
Bas memlekettik sanitarlyq dárigerdiń qaýlysyna sáikes Nur-Sultan qalasynda qazirgi ýaqytta meditsinalyq qyzmetkerlerdiń koronavirýsty juqtyrý yqtimaldyǵy tekserilip jatyr. Sonymen qatar Sáýle Qisyqovanyń aitýynsha «Sharapat» áleýmettik qyzmet kórsetý ortalyǵynda 380 adam tekserilip, olardyń (306 turyp jatqan adam men 74 qyzmetker) 18-nen koronavirýs infektsiiasyn juqtyrǵany anyqtalǵan. Onyń bári aýrýhanaǵa jatqyzylyp, bári de hattamaǵa sáikes em alýda.
