Elordanyń monitoring toptary birneshe aidan beri kúsheitilgen rejimde jumys istep keledi. Kún saiyn qaladaǵy 100-den astam kásipkerlik nysanynda karantin talaptarynyń saqtalýy tekseriledi, dep habarlaidy "Ult aqparat" qala ákimdigine silteme jasap.
Máselen, ótken eki kúnde, iaǵni 3 jáne 4 tamyzda monitoring toptary 16 mekemeni ákimshilik jaýapkershilikke tartty.
Almaty aýdanynda «Ryba moei mechty» karaoke klýby karantin rejimin buza otyryp jumys istedi. Erteńinde osy jaǵdai «Mansion» karaoke barynda da anyqtaldy.
Maska rejimin saqtamaý, áleýmettik qashyq pen karantin rejimin saqtamaý Baiqońyr aýdanynyń 4 mekemesinde anyqtaldy. Bul «Ámir» bazary, «12 ai» dúkeni, «Boroda» jáne «Muller» barlary. 4 tamyzda taǵy eki mekeme — «Small» dúkeni jáne «Miata» laýndj bary bas sanitar dárigeriniń qaýlysyn buzǵan.
Saryarqa aýdanynda 2 kún ishinde monitoring toptary «Samuryq» dámhanasy men «Semeinaia» monshasynda, sondai-aq «Shashlyk na naberejnoi» jáne «Playstation Club» kafelerinde kemshilikti anyqtady.
Jumys rejimin buzý, jazǵy dámhananyń jumys isteýi, kelýshiler men ákimshilik qyzmetkerlerdiń betperde rejimin saqtamaýy, sondai-aq áleýmettik qashyqty saqtamaý Esil aýdanyndaǵy «Lavash Food» fast-fýd pýnktinde, «Panaehali», «baHabag» barlarynda jáne «Gold Game» kompiýter klýbynda anyqtaldy.
Tártip buzýshylarǵa qatysty jinalǵan materialdar tiisti sharalar qabyldaý úshin sanitariialyq-epidemiologiialyq baqylaý salasyndaǵy ýákiletti organǵa berildi.
Esterińizge sala keteiik, Nur-Sultandaǵy epidemiologiialyq jaǵdai qubylmaly, táýlik saiyn qalada KVI juqtyrýǵa qatysty 1,3 myń jaǵdaiy anyqtalady, koronavirýs juqtyryp, aýyr jaǵdaida 300-ge jýyq adam aýrýhanaǵa jatqyzylady.
