Elordada áýejai, vokzal, áleýmettik nysandar, bazarlar, saýda oiyn-saýyq ortalyqtarynda, adamdar kóp jinalatyn oryndarda koronavirýstyq infektsiianyń taralýyna jol bermeý maqsatynda dezinfektsiialaý sharalary kúsheitildi. Bul týraly "Ult aqparat" ákimdiktiń baspasóz qyzmetine silteme jasap habarlaidy.
Áýejaida jáne vokzaldarda qaýipsizdik sharalary, bazarlarda, saýda úilerinde, saýda oiyn-saýyq jáne basqa da uiymdarda sanitarlyq-dezinfektsiialyq rejim kúsheitildi. Barlyq qyzmetkerler meditsinalyq maskalarmen, antiseptiktermen jáne basqa da qorǵanys quraldarymen qamtamasyz etilgen. Jumys oryndary men ǵimarattarda muqiiat óńdeý jumystary júrgizilip jatyr.
Sondai-aq, elordada sońǵy aialdamalarda arnaiy eritindimen avtobýstar jýylady. Avtobýstardyń ishinde jolaýshylarǵa arnalǵan antiseptikter bar. Aýysym aiaqtalǵannan keiin avtobýstar jýylady, sonymen qatar zalalsyzdandyrylady. Qalanyń kommýnaldyq qyzmetteriniń mashinalary da dezinfektsiiadan ótip jatyr.
Sonymen qatar, áleýmettik obektilerde, densaýlyq saqtaý obektilerinde jáne Qarttar men múmkindigi shekteýli adamdarǵa arnalǵan meditsinalyq-áleýmettik obektilerde, áleýmettik ońaltý ortalyqtarynda, balalar úilerinde, múgedek balalarǵa arnalǵan oqý oryndarynda jáne internattyq uiymdarda sanitariialyq-dezinfektsiialyq rejim kúsheitildi; olarǵa kelýshilerge tyiym salyndy.
Elordada koronavirýstyq infektsiianyń taralýyna jol bermeý boiynsha barlyq sharalar qabyldandy: jedel shtab jumys isteidi, koronavirýstyq infektsiia jaǵdailary anyqtalǵan kezde is-qimyl algoritmi ázirlendi. Qala turǵyndary barlyq aldyn alý sharalaryn ustanýy kerek: qoldy sabynmen muqiiat jýyp, qol berip amandasýdan bas tartý qajet.
Jeke gigiena zattaryn paidalanyp, gadjetterdi/orgtehnikany dezinfektsiialaý, JRVI belgileri bar adamdarmen qarym-qatynasty boldyrmaý, úiden qajetsiz shyqpaý jáne adamdar kóp jinalatyn jerlerge barmaý qajet.
