Nur-Sultan qalasynyń bas memlekettik sanitariialyq dárigeri Janna Pirálievanyń demalys kúnderi shekteý jáne karantin sharalaryn ýaqytsha kúsheitý týraly qaýlysy shyqty, dep habarlaidy "Ult aqparat".
«Nur-Sultan qalasynda 2020 jylǵy 19 maýsym saǵat 22.00-den bastap 2020 jylǵy 22 maýsym saǵat 00.00-ge deiin demalys kúnderi shekteý jáne karantindik is-sharalardy ýaqytsha kúsheitý engizilsin. Qala ákimdigine, memlekettik mekemelerge, menshik nysanyna qaramastan kásipkerlik sýbektileri men uiymdarǵa jáne Nur-Sultan qalasynyń turǵyndaryna:
- karantin rejimin, shekteý jáne epidemiiaǵa qarsy is-sharalardy saqtaýdy qamtamasyz etý;
- asa qajetsiz qala syrtyna kirýdi/shyǵýdy shekteý;
- qala boiynsha jaiaý jáne jeke kólikpen júrýge tyiym salynsyn, kelesi jaǵdailardy qospaǵanda: turǵylyqty jerinen jumys ornyna deiin jáne keri qarai júrýine qosymshaǵa sáikes uiymdar úshin jumys ornynan anyqtama (nemese qyzmettik kýálik) bolǵan jaǵdaida;
- azyq-túlik taýarlaryn, dári-dármek preparattaryn jáne meditsinalyq buiymdardy turatyn úiiniń nemese jumys ornyna jaqyn dúkenderden, dárihanalardan satyp alý;
- shuǵyl jaǵdailarda ǵana meditsinalyq uiymdarǵa barý;
- úi janýarlaryn turǵylyqty jerine jaqyn jerde serýendetý», - delingen qaýlyda.
Sondai-aq Nur-Sultan qalasynyń turǵyndaryna 18 jáne 19 maýsym kúnderi birinshi qajettiliktegi taýarlar men dári-dármekterdi aldyn ala satyp alý usynylady.
65 jastan asqan tulǵalarǵa ýaqytsha shekteýler kezeńinde osy qaýlynyń 1-tarmaǵynyń 3) tarmaqshasynda kórsetilgen jaǵdailardy qospaǵanda, asa qajetsiz kóshege shyǵýǵa shekteý qoiylady.
Saýda ortalyqtarynda, bazarlarda, qoǵamdyq kólikterde, azyq-túlik jáne turmystyq dúkenderinde, qyzmet kórsetý oryndarynda jáne kópshilik jinalatyn oryndarda dezinfektsiialyq sharalar ótkiziledi.
«Qala ákimdigine, memlekettik mekemelerge, menshik nysanyna qaramastan kásipkerlik sýbektileri men uiymdarǵa 2020 jylǵy 19 maýsym saǵat 22.00-den bastap 22 maýsym saǵat 00.00-ge deiin osy qaýlynyń qosymshasyna sáikes obektilerdi qospaǵanda, barlyq uiymdardyń, menshik nysanyna qaramastan kásipkerlik sýbektileriniń qyzmeti toqtatylady.
Kelesi kásipkerlik sýbektileri men obektileriniń jumysyna tyiym salý, onyń ishinde:
- saýda, oiyn-saýyq ortalyqtary, saýda ortalyqtary, saýda úileri, bazarlar jáne azyq-túlik jáne azyq-túlik emes taýarlardyń dúkenderi, jármeńkeler;
- meiramhana, kafe, fast-fýd, fýdkort, ashanalar jáne basqa da qoǵamdyq tamaqtaný oryndary, qoǵamdyq tamaqtaný kásiporyndarynan basqa, 50-den aspaityn otyratyn orny bar jáne jetkizý servisi;
- fitnes-ortalyqtar, fitnes-klýbtar, jattyǵý zaldary, sport keshenderi, basseinder;
- SPA-ortalyqtar, SPA-salondar, sulýlyq salondary, shashtaraz, tyrnaq stýdiialary, barber-shoptar, soliariiler, massaj ortalyqtary jáne qyzmet kórsetý salasynyń basqa da uqsas obektileri;
- qoǵamdyq monshalar, basseinder, saýnalar; - qoǵamdyq kóliktiń qozǵalysy;
- atys oryndary, tirler;
- qurylys alańynan tys shyqpastan jumys rejimin qamtamasyz etý múmkindigimen jumysshylarǵa arnalǵan qurylys alańdarynda jataqhanalary bar qurylys kompaniialary;
- qoǵamdyq oryndardyń: saiabaqtardyń, skverlerdiń, jaǵalaýlardyń, kóshe oiyn alańdarynyń jáne azamattardyń ózge de demalys oryndarynyń jumys isteýi;
- qolma-qol shetel valiýtasymen operatsiialardy júzege asyrýǵa quqyǵy bar uiymdar;
- Qarjy naryǵy men qyzmetter sýbektileri osy kezeńde qarjy naryǵy men qarjy uiymdaryn retteý, baqylaý jáne qadaǵalaý jónindegi ýákiletti organdardyń normativtik quqyqtyq aktilerin basshylyqqa alsyn;
- Nur-Sultan qalasyna territoriialyq jaqyn ornalasqan týristik aimaqtarǵa kirýdi jabý, al kórsetilgen aimaqtardaǵy tulǵalarǵa - áleýmettik qashyqtyqty saqtaý.
Osy qaýlynyń qosymshasyna sáikes qyzmetin júzege asyratyn menshik nysanyna qaramastan uiymdardyń basshylary men kásipkerlik sýbektilerine:
- qyzmetkerlerdi qashyqtan jumys rejimine múmkindigi boiynsha aýystyrý;
- jumys ornyna deiin jáne turǵylyqty jerine keri ortalyqtandyrylǵan jetkizýdi qamtamasyz etý;
- qyzmetkerlerdi jumys ornynan anyqtamalarmen qamtamasyz etý.
Kóppáterli turǵyn úilerde ornalasqan tamaq ónimderi men birinshi qajettiliktegi taýarlardy satýdy júzege asyratyn dúkenderge (shaǵyn marketterge) jumys kestesi saǵat 10.00-den 17.00-ge deiin belgilenedi. Aldyn ala bekitilgen kesteler boiynsha jáne bekitilgen algoritmderge sáikes jekelegen oqý oryndaryna Ulttyq biryńǵai testileý men túsý emtihandaryn ótkizýge ruqsat etiledi.
