2 qarashada Astana qalasyndaǵy Jaqsylyq Úshkempirov atyndaǵy jekpe-jek sport saraiynda MMA jankúierleri asyǵa kútken týrnir bolyp ótti.
“Dala qyrandary sportty qoldaý ulttyq qory” jáne “Qazaqstannyń MMA aralas jaýyngerlik jekpe-jegi boiynsha birikken federatsiiasy” respýblikalyq qoǵamdyq birlestigi uiymdastyrǵan týrnirde elimizdiń aty shýly jaýyngerleri el namysyn qorǵap, álemdik reitingde óz ornyna ie faiterlermen jekpe-jek kórsetti.
Týrnirdiń maqsaty qala men jer-jerlerdegi jas talanttardy qoldap, olardyń sport shyńyna shyǵýdaǵy úlgili jolyn jastar arasynda dáripteý. Qazaqstan jekpe-jek sheberlerin álemdik reitingte óner kórsete alatynyn dáleldeý men qatar, jastar arasynda sportty damytý.
DFC – bul tek jekpe-jekterdiń seriiasy ǵana emes, sonymen qatar ol - sabaqtastyq pen óz bastaýlaryna degen adaldyqtyń simvoly. Týrnir sportshylardyń týǵan qalasy kóshelerinen bastap, halyqaralyq arena men óz eliniń namysyn qorǵaityn kúres jolynyń filosofiiasyn qamtidy. Máselen, álemdik deńgeige jetý jolynda kóptegen qiyndyqtardy bastan ótkizgen jáne jas sportshylardy belsendi qoldaityn qazaqstandyq jaýynger Vasilii Tahtai osy ideianyń jarqyn mysaly.
Joǵaryda aitylǵan maqsat jolynda álemniń 10 elinen kelgen jaýyngerler Jaqsylyq Úshkempirov atyndaǵy Jekpe-jek saraiyndaǵy oktagonda kezdesti. DFC týrnirine AQSh, Mysyr, Úndistan, Qyrǵyzstan, Ázirbaijan, Braziliia, Iran jáne Túrkiia elderiniń ókilderi qatyssa, Vasilii Tahtai, Erkebulan Toqtar, Súndet Aitqul jáne Aian Tursyn siiaqty tanymal faiterler elimizdiń namysyn qorǵady.
«Týrnirde elimizdiń birqatar aty shýly jekpe-jek sheberleri óner kórsetedi. Olarǵa álemdik deńgeidegi jaýyngerler qarsylas bolady. Atap aitatyn bolsaq basty kartta Vasilii Tahtaiǵa qarsy jekpe-jekke shyqqan AQSh jaýyngeri óte tájiribeli sportshy. Ol UFS-diń eks jaýyngeri. Bul týrnirge sportshylar da, biz de tyńǵylyqty daiyndaldyq. Kórermenderden qoldaý men ystyq lebiz kútemiz”, -dedi, “Dala qyrandary sportty qoldaý ulttyq qory” koordinatory, DFS ammbasadory Nurǵali Tursynǵaziev.
Týrnir barysynda elimizdiń sportshylary daiyndyqtarynyń qandai deńgeide ekenin kórsetip, fonattary men MMA súier qaýymnyń aldynda el namysyn qoldan bermei qarsylastaryna ese jibergen joq.
Týrnirdiń ekinshi basty jekpe-jegi bolady dep kútilgen faitta Erkebulan Toqtar Mysyrlyq qarsylasyn birinshi raýndta oisyrata jeńip, Face to face-te bergen ýádesin oryndady. Ol ekinshi raýndta qarsylasyn nokaýtpen jeńemin degen bolsa, qarsylasy onyń josparymen kelispei, birinshi raýndta jekpe-jekti jeńilispen aiaqtaýǵa bel býypty. Degenmen, Erkebulan Toqtar el namysyn qorǵap kórermenderdiń qoshemetine bólendi.
Al, Octogon ligasynda óner kórsetip chempion ataǵyn ielengen jaýynger qyz Aian Tursyn (52,2 kg) braziliialyq Edna Oliveirany tóreshiler sheshimimen jeńdi. Sóitip, ol MMA-daǵy jetinshi jeńisine jetti.
Taǵy bir otandasymyz Juman Jumabekov (63 kg) úndistandyq Abhilash Raýtty «uiyqtatyp» tastasa, mein-kardtyń úshinshi jekpe-jeginde Qyrǵyzstannyń ókili Shermýrat Kalilov (70,3 kg) 60 sekýndtyń ishinde braziliialyq faiter Dos Santosty jeńdi.
Sondai-aq, mein-kardqa deiin aldyn-ala shaiqastar ótken bolatyn.
Nátijeler kelesidei:
56 kg. «Dala Qyrandary» JQB múshesi Qaisar Jaýǵashar birinshi raýndta Janbalý Malikovany (Ázirbaijan) tehnikalyq nokaýtpen jeńdi
61 kg. «Dala Qyrandary» JQB múshesi Rýslan Shanosov úshinshi raýndta Manat Joldasovty (Qazaqstan) tehnikalyq nokaýtpen jeńdi.
61,2 kg. Álisher Ǵabdýllin (Qazaqstan) úshinshi raýndta Elbei Azizovty (Ázirbaijan) tehnikalyq nokaýtpen jeńdi.
65,8 kg. Súndet Aitqul (Qazaqstan) birinshi raýndta Rodrigo Sarafiandy (Braziliia) tehnikalyq nokaýtpen jeńdi.
70,3 kg. «Dala Qyrandary» JQB múshesi Qojahmet Imanǵali birinshi raýndta Saman Moradmandy (Iran) tunshyqtyrý ádisimen jeńdi.
84 kg. Sultan Qiialov (Qazaqstan) birinshi raýndta «Úshburysh» ádisimen Mohammad Golamidi (Iran) jeńdi.
Meein-kardtyń basty jekpe-jegin airyqsha atap ótken jón. Jańa promoýshen uiymdastyrǵan birinshi týrnir aiasyndaǵy keshtiń basty jekpe-jeginde Vasilii Tahtai (70,3 kg) ainaldyrǵan 40 sekýndtyń ishinde UFC-diń eks-jaýyngeri amerikalyq Ýill Chopty aiqyn basymdylyqpen jeńdi. Sóitip, úsh jyldyq úzilisten keiin MMA-ǵa qaityp oralǵan qazaqstandyq faiter chempiondyq beldiktiń iegeri atandy.
Vasilii Tahtai jarqyn jeńisin árqashan qasynan tabylǵan anasyna arnady. Chempiondyq belbeýdi anasyna syilap, jastar arasynda taǵy bir úlgili ustazy, ári úireneri kóp jaýynger ekenin dáleldedi.
«Men “Dala qyrandary jastar qoǵamdyq uiymynyń múshesimin. Bul Qazaqstandaǵy eń myqty jastar. Ne aitarymdy bilmei turmyn... Shyny kerek, men jekpe-jekti bulai tez aiaqtalady dep oilaǵan joqpyn. Jekpe-jek arasynda ne deitinimdi oilamaqshy edim. Degenmen osylai boldy. Búgin birinshi ret zalda anam otyr. Anam maǵan baryn saldy, bárin berdi. Tynbai jumys istedi, men basqa qalaǵa jarysqa barýym úshin bireýden qaryz aldy. Mendegi bar nárseler tek anamnyń arqasy», -dedi sportshy Vasilii Tahtai.
