Elordada bir táýlikte 142 jol-kólik apaty boldy, dep habarlaidy QazAqparat.
«Ótken táýliktiń ishinde elorda aýmaǵynda 142 jol-kólik oqiǵasy oryn alyp, 5 adam zardap shekti. Al tańerteńgi saǵat 8:00-den bastap qazirgi ýaqytqa deiin 45 jol-kólik oqiǵasy boldy», - dep atap ótti Nur-Sultan qalalyq politsiia departamentinen.
Aita keteiik, elordada qalyń qar jaýýyna bailanysty avtobýstar, ushaqtar keshigip, jolda keptelis týyndap otyr.
Osyǵan orai Nur-Sultan qalasy politsiia departamenti kólik ielerine aýa raiynyń qolaisyzdyǵyna bailanysty jolda asa muqiiat bolý kerektigin eskertti.
«Qar tolassyz jaýǵandyqtan arnaiy tehnika elorda kóshelerin tazalaý úshin táýliktik rejimen jumys istep jatyr. Júrgizýshilerdi kóligin jol boiynda qańtarmaýǵa shaqyramyz. Bul qar kúreý jumystary men qoǵamdyq kóliktiń qozǵalysyna kedergi keltiredi. Jol júrý erejelerin qatań saqtap, jyldamdyq pen jáne qaýipsiz qashyqtyq rejimin saqtańyz», - dep jazady departamenttiń baspasóz qyzmeti.
Qala ákimdiginiń málimetinshe, búgin qar kúreýge 2 000 arnaýly tehnika men 1 900 jumysshy jumyldyrylǵan.
