Elordada elimizdiń bas shyrshasynyń shamdary jaǵyldy, dep habarlaidy "Ult aqparat".
«Jyldaǵy dástúr boiynsha elorda tórindegi bas shyrshanyń shamdaryn jaǵý sharasyna jinalyp jatyrmyz. Biylǵy jyl elimiz úshin onyń ishinde elorda úshin de tabysty boldy. Kóptegen jobalar júzege asyrylyp, mol jetistikke jettik, jáne elordada jańa nysandar boi kóterdi. Onyń ishinde el igiligi úshin turǵyn úiler, mektepter men aýrýhanalar bar. Elbasynyń bastamasymen biyl «Jastar jyly» boldy. Jýyrda ǵana 1050 jas elordalyq baspanaly boldy. Jaqynda az qamtylǵan jáne kópbalaly 600 otbasy qonys toiyn toilaidy. Bas qalamyz úshin biylǵy jyldyń ereksheligi Nur-Sultan ataýynyń berilýi», - dedi Nur-Sultan qalasynyń ákimi Altai Kólginov.
Bas shyrshanyń biiktigi – 25 metr. Sonymen qatar, elorda aýdandaryndaǵy jańajyldyq shyrshalardyń shamdary da jaǵyldy.
Búginnen bastap bas qaladaǵy muz qalashyqtary men muzaidyndary óz jumysyn bastady.
Aita ketsek, Nur-Sultanda barlyǵy 50-den astam jańajyldyq shyrsha, 30 syrǵanaq tóbeshik, 20 muzaidyn men 6 hokkei korty ornatyldy.
