Nur-Sultan qalasynyń bilim basqarmasynyń basshysy Sholpan Qadyrova jańa oqý jylynda 1-shi synypqa qabyldaý, mektepten mektepke, synyptan synypqa aýystyrý máselesi qalai retteletinin aityp berdi, dep habarlaidy QazAqparat.
«Balalardy birinshi synypqa qabyldaý, mektepten mektepke, synyptan synypqa aýystyrý qyzmeti EGOV.kz elektrondyq úkimet portaly arqyly avtomattandyrylǵan. Ata-analar portaldyń «Bilim berý» bóliminde «Orta bilim berý» bólimin tańdaý arqyly kirip, ótinish berip, qajetti qujattardy tirkeidi. Qujat tapsyrý merzimi – 15 minýt. Memlekettik qyzmet kórsetý nysany – elektrondy. Ata-ananyń jeke kabinetine balany qabyldaǵan nemese qabyldamaǵany sebebi týraly habarlama keledi», - dedi Sholpan Qadyrova Nur-Sultan qalasy ákimdiginiń Facebook paraqshasynda onlain rejimde ótken baspasóz máslihatynda.
Birinshi synypqa balalardy qabyldaý úshin qujattar tizimin tolyq ótkizý qajet. Olar: balanyń ata-anasynan (zańdy ókilderinen) ótinish (erkin túrde), balanyń týý týraly kýáliginiń kóshirmesi, bala densaýlyǵy pasporty (026/ý-3 forma, 063/ý nysan boiynsha densaýlyq jaǵdaiy týraly qujat), 3x4 kólemindegi foto.
«Erekshe bilim berý qajettigi bar balalardy bilim berý uiymdaryna oqýǵa qabyldaý úshin portalǵa qosymsha pedagogikalyq-meditsinalyq-psihologiialyq komissiianyń qorytyndysy elektrondy túrde (skanversiia, foto) zańdy ókilderdiń kelisimimen usynylady. Sizderdiń nazarlaryńyzǵa taǵy bir ret atap ótkim keledi: mekteptiń qabyldaý komissiiasy oqýǵa ótinish bergen kezde basqa qosymsha qujattardy talap etpeýi tiis. Qujattardy qabyldaý 2020 jyldyń 1 maýsymynan bastalady. Jańa oqý jylyna daiyndyq maqsatynda 17 tamyzdan bastap mektepterde ata-analardyń qalaýy boiynsha aqysyz negizde jazǵy mektep jumysyn ótkizý josparlanýda», - dedi ol.
Kez-kelgen ózgerister týraly aqparat resmi saitta jáne áleýmettik jelilerde habarlanady.
