نۇر-سۇلتان قالاسىنىڭ بٸلٸم باسقارماسىنىڭ باسشىسى شولپان قادىروۆا جاڭا وقۋ جىلىندا 1-شٸ سىنىپقا قابىلداۋ, مەكتەپتەن مەكتەپكە, سىنىپتان سىنىپقا اۋىستىرۋ مەسەلەسٸ قالاي رەتتەلەتٸنٸن ايتىپ بەردٸ, دەپ حابارلايدى قازاقپارات.
«بالالاردى بٸرٸنشٸ سىنىپقا قابىلداۋ, مەكتەپتەن مەكتەپكە, سىنىپتان سىنىپقا اۋىستىرۋ قىزمەتٸ EGOV.kz ەلەكتروندىق ٷكٸمەت پورتالى ارقىلى اۆتوماتتاندىرىلعان. اتا-انالار پورتالدىڭ «بٸلٸم بەرۋ» بٶلٸمٸندە «ورتا بٸلٸم بەرۋ» بٶلٸمٸن تاڭداۋ ارقىلى كٸرٸپ, ٶتٸنٸش بەرٸپ, قاجەتتٸ قۇجاتتاردى تٸركەيدٸ. قۇجات تاپسىرۋ مەرزٸمٸ – 15 مينۋت. مەملەكەتتٸك قىزمەت كٶرسەتۋ نىسانى – ەلەكتروندى. اتا-انانىڭ جەكە كابينەتٸنە بالانى قابىلداعان نەمەسە قابىلداماعانى سەبەبٸ تۋرالى حابارلاما كەلەدٸ», - دەدٸ شولپان قادىروۆا نۇر-سۇلتان قالاسى ەكٸمدٸگٸنٸڭ Facebook پاراقشاسىندا ونلاين رەجيمدە ٶتكەن باسپاسٶز مەسليحاتىندا.
بٸرٸنشٸ سىنىپقا بالالاردى قابىلداۋ ٷشٸن قۇجاتتار تٸزٸمٸن تولىق ٶتكٸزۋ قاجەت. ولار: بالانىڭ اتا-اناسىنان (زاڭدى ٶكٸلدەرٸنەن) ٶتٸنٸش (ەركٸن تٷردە), بالانىڭ تۋۋ تۋرالى كۋەلٸگٸنٸڭ كٶشٸرمەسٸ, بالا دەنساۋلىعى پاسپورتى (026/ۋ-3 فورما, 063/ۋ نىسان بويىنشا دەنساۋلىق جاعدايى تۋرالى قۇجات), 3x4 كٶلەمٸندەگٸ فوتو.
«ەرەكشە بٸلٸم بەرۋ قاجەتتٸگٸ بار بالالاردى بٸلٸم بەرۋ ۇيىمدارىنا وقۋعا قابىلداۋ ٷشٸن پورتالعا قوسىمشا پەداگوگيكالىق-مەديتسينالىق-پسيحولوگييالىق كوميسسييانىڭ قورىتىندىسى ەلەكتروندى تٷردە (سكانۆەرسييا, فوتو) زاڭدى ٶكٸلدەردٸڭ كەلٸسٸمٸمەن ۇسىنىلادى. سٸزدەردٸڭ نازارلارىڭىزعا تاعى بٸر رەت اتاپ ٶتكٸم كەلەدٸ: مەكتەپتٸڭ قابىلداۋ كوميسسيياسى وقۋعا ٶتٸنٸش بەرگەن كەزدە باسقا قوسىمشا قۇجاتتاردى تالاپ ەتپەۋٸ تيٸس. قۇجاتتاردى قابىلداۋ 2020 جىلدىڭ 1 ماۋسىمىنان باستالادى. جاڭا وقۋ جىلىنا دايىندىق ماقساتىندا 17 تامىزدان باستاپ مەكتەپتەردە اتا-انالاردىڭ قالاۋى بويىنشا اقىسىز نەگٸزدە جازعى مەكتەپ جۇمىسىن ٶتكٸزۋ جوسپارلانۋدا», - دەدٸ ول.
كەز-كەلگەن ٶزگەرٸستەر تۋرالى اقپارات رەسمي سايتتا جەنە ەلەۋمەتتٸك جەلٸلەردە حابارلانادى.
