Nur-Sultan qalasynda balaǵa dórekilik tanytqan balabaqsha tárbieshisi jumystan shyǵaryldy, dep habarlaidy "Ult aqparat".
«Basqarmada júrgizilgen qyzmettik tekserý jumystarynyń nátijesinde tárbieshi jumystan shyǵaryldy. Al balabaqsha basshylyǵyna qatań sógis jariialandy», - dedi qalalyq Bilim basqarmasy Strategiia, taldaý jáne tsifrlyq tehnologiia bóliminiń basshysy Jazira Asanova.
Onyń aitýynsha, búgingi kúni bilim basqarmasy qalalyq mektepke deiingi bilim berý uiymdarynyń pedagogtarymen birneshe kezdesý josparlanýda.
«Kezdesýde uiymdardyń birinshi basshylaryna qyzmettik jaýapkershilik boiynsha túsindirý jumystarymen qosa, oqý-tárbielik protseske qatysty ádistemelik usynystar beriledi», - deidi ol.
Eske sala ketsek, 8 qarasha kúni elorda balabaqshalarynyń birinde tárbieshiniń balaǵa kórsetip jatqan dóreki áreketiniń videosy áleýmettik jelilerde taraǵan bolatyn.
Óz kezeginde atalǵan oqiǵa boiynsha qalalyq bilim basqarmasy tárbieshiniń ýaqytsha jumystan bosatylǵanyn jáne arnaiy qyzmettik tekserýden soń tiisti shara qabyldanatynyn habarlaǵan bolatyn.
