Nur-Sultan qalasyndaǵy «Astana» halyqaralyq qarjy ortalyǵynyń ǵimaratynda Azyq-túlik qaýipsizdigi jónindegi islam uiymynyń (AQIU) shtab-páteri ashyldy, dep habarlaidy "Ult aqparat" QR Syrtqy ister ministrligine silteme jasap.
Saltanatty sharaǵa QR Syrtqy ister ministriniń birinshi orynbasary Shahrat Nuryshev, QR Aýyl sharýashylyǵy vitse-ministri Nurbek Daiyrbekov, AQIU bas direktory Erlan Baidáýlet, sondai-aq Bangladesh, Býrkina-Faso, Gambiia, Túrkiia, BAÁ, Saýd Arabiiasy Aýyl sharýashylyǵy ministrlikteriniń basshy qyzmetkerleri jáne Qazaqstanda akkredittelgen IYU-ǵa múshe elderdiń elshileri qatysty.
Sh.Nuryshev óz sózinde Qazaqstan AQIU qyzmetine jáne osy uiymnyń múshelik quramyn keńeitý boiynsha jan-jaqty qoldaý kórsetýdi jalǵastyratynyn atap ótti.
Is-shara aiasynda Ulttyq agrarlyq ǵylymi-bilim berý ortalyǵy men AQIU arasyndaǵy yntymaqtastyq týraly memorandýmǵa qol qoiý rásimi ótti.
Keiin AQIU shtab-páterinde AQIU Atqarýshy keńesiniń kezekti 4-shi otyrysy bastalyp, qatysýshylar IYU-ǵa múshe elderdiń Azyq-túlik qaýipsizdigi salasyndaǵy praktikalyq yntymaqtastyǵyn nyǵaitýǵa baǵyttalǵan máselelerdi talqylady.
Islam yntymaqtastyǵy uiymy aiasynda AQIU qurý týraly bastamany Qazaqstan Respýblikasynyń Tuńǵysh Prezidenti – Elbasy Nursultan Nazarbaev kótergen bolatyn. . Qazirgi ýaqytta uiymnyń quramyna islam áleminiń 34 memleketi kiredi jáne onyń qyzmeti Aýyl sharýashylyǵy men Azyq-túlik áleýetin damytý salasynda musylman áleminiń kúsh-jigerin jumyldyrýǵa baǵyttalǵan.
