Elordada «Azbýka jilia» kompaniialar tobynyń iesi Erqanat Taijanovtyń múligi tárkilendi. Bul týraly qalalyq prokýratýradan málim etti, dep habarlaidy QazAqparat.
«Azbýka jilia» kompaniialar tobynyń iesi E. Taijanovqa qatysty qylmystyq isti zertteý barysynda qylmystyq jolmen alynǵan múlik anyqtaldy, iaǵni 5 jer telimi men LEXUS LX570 avtokóligi begili boldy. Taijanovtyń halyqaralyq izdeýde júrgenine bailanysty, Nur-Sultan qalasy prokýratýrasy Almaty aýdanynyń №2 sotyna zańsyz jolmen alynǵan múlikti sotqa deiingi tárkileý týraly ótinimhat engizdi», - delingen taratylǵan málimette.
Osy oraida aýdandyq sot qaýlysymen ótinimhat tolyqtai qanaǵattandyrylyp, Taijanovtyń múligi memleket paidasyna berildi.
«Qazirgi kezde sot aktisi zańdy kúshine enip, onyń oryndalýyna baǵyttaldy. Qala prokýratýrasy qylmystyq tabystar men jymqyrylǵan aktivterdi tárkileý boiynsha jumysty jalǵastyrýda», - delingen habarlamada.
